Avskrift ved Håkon Aasheim/Ættehistorisk institutt/SAB
Hjelp oss Gud Fader i Æve til Lukke, Framgong og Sæle 14.3.1670
VÅRTING PÅ [HERDLA SKIPREIDE] SI TINGSTOVE. 1670: 1 Fut Peder Andersen
[Peder Andersen]. Lagrettsmenn: Bondelensmann Ole Landtzuig [Ole Landsvik],
Steffen Tuett [Steffen Tveiten], Laurs Oen [Lars Oen], Mogens Tuett [Mons Tveiten],
Jeremias Wig [Jeremias Vik], Mogens Wig [Mons Vik], Ole Frechou [Ole Frekhaug],
Gutorm Grasdal [Guttorm Grasdal], Niels MoldeKleff [Nils Moldekleiv], Peder
Ryeland [Peder Ryland], Tomas Rong [Tomas Rong]. Tingsaker: --1a: Opplese kong
Christian 5 sitt brev i høve hans far, Fredrik 3 - Danmarks og Noregs
konge, sin bortgang. All leik og spel må opphøyra i eitt år.
Samkomer som brullaup og barsel m.m. kan gå som vanleg, men utan dei nemnde
ting. --1b: Vidare lese opp kongen sitt brev ("Mandat") om forbod for dei som
sit på - og brukar gardar under kyrkja ("geistlig goedts") å hogga
i desse gardane sine skogar. --2: Gjeld Laurs Knudsen [Lars Knutsen], funne
død i sjøen ved Hetleuig [Hetlevik]. Denne saka vart no teke oppatt.
Lensmannen kunne opplysa at Johans Hetleuig [Johannes Hetlevik] ligg sjuk. Difor
utsett til førstkomande ting. --3: Jacob Koursbøe [Jakop Kårbø]
og Lars Siurdal [Lars Sjurdal] oppnevnt til nye lagrettsmenn. 15.3.1670
VÅRTING PÅ [ALENFIT SKIPREIDE] SI TINGSTOVE. 1670: 1, 1b, 2 Fut
Peder Andersen [Peder Andersen]. Lagrettsmenn: Lensmann Lars Mundal [Lars Mundal],
Omund Gieruig [Amund Gjervik], Hans Feste [Hans Feste], Anders Selleuold [Anders
Sellevoll], Hans Fosse [Hans Fosse], Knud Beraas [Knut Berås], Anders
Isdal [Anders Isdal], Arnne Quamme [Arne Kvamme], Hans Eicheland [Hans Eikeland],
Gudmund Aasse [Gudmund Åse], Ole Mundal [Ole Mundal], Anders Dale [Anders
Dale], Niels Gier... [Nils Gjervik]. Tingsaker: --1a: Opplese kongen sine 2
brev. Det eine om at all leik og spel skal opphøyra i eitt år i
Danmark og Noreg. --1b: Det andre at ingen tre måtte hoggast i kyrkjeskogane
utan kongen sitt løyve. --2: Tidlegare sak på Steffen [Steffen
Hilland] og Siur Hilleland [Sjur Hilland] om krangel vart no ropt opp. Men dei
var ikkje formelt stevna, grunna tinget vart fastsett så fort. Avgjort
å ta saka opp på førstkomande ting. --3: Rådmann Peder
Hansen [Peder Hansen] stevna følgjande for resterande landskyld og bygsel:
(Namn/vedgjekk å vera skuldig) Knud Beraas [Knut Berås] på
Christian Møechildsuold [Kristian Myksvoll] sine vegne - 11 mark 4 sk.
Jacob ibm: [Jakop Myksvoll] - 8 mark 2 sk. Jacob Møechisuold [Jakop Myksvoll]
på Laurs ibm: [Lars Myksvoll] sine vegne - 7 mark 2 sk. Arne Mogenstad
[Arne Mongstad] - 2 1/2 rdl. Ole Sør Mogenstad [Ole Søre Mongstad]
- 6 rdl. Aslach Ifuersen Mogenstad [Aslak Iversen Mongstad] - 12 rdl. Ole og
Niels Sel - 1 1/2 rdl. (Det står berre Sel i tingboka. Truleg er dette
Selevoll. Ein Ole finn vi der, men ikkje Nils). Hans Jensen [Hans Jensen] krov
dom i saka. Avgjerd: Alle bør betala det dei skuldar innan 14. april.
--4: Etter krav frå lensmann Laurs Mundal [Lars Mundal] vart følgjande
lest opp for retten: (dokumentet omskrive) Vi underskrivne, Gutorm Mundal [Guttorm
Mundal], Olluff Lauridtsen Echanger [Ole Larsen Ekanger] og Jacob Schoelmester
[Jakop Skolemester], overvar for ei tid sidan eit forlik om garden Lechnes [Leknes]
mellom lensmann i Alenfit sk.r., Lauridtz Mundal [Lars Mundal] og far hans,
Halduor Mundal [Haldor Mundal]. Lars skulle, etter krav frå Haldor, avstå
til fordel for Rasmus Larsen [Rasmus Larsen] - gift med Haldor si dotterdotter,
den jordepart i Leknes som Lars tidlegare hadde bygsla bort til son sin, Børge
Laursen [Berge Larsen], og som Lars sjølv hadde brugt no i eitt års
tid. For denne avståinga gjekk Haldor med på at Lars skulle få
dei 80 rdl. som Rasmus hadde betalt i førstebygsel og "opsaugn" (oppsagn).
Og var det meir som skulle gjevast i bygsel, så skulle Rasmus utreida
dette til Haldor, utan motmæle frå Lars. Forutan dette skulle Lars
få gjera seg nytte av eit naust, som var bygt - og stod på Leknes
sin grunn. I forliket inngjekk at Lars måtte flytta det ("Derforuden maa
Laurs lade af føre och sig Nyttig giøre It Nøst, som paa
Lechnes grund opbygt och bestaaende er, ..."). Mundal, 3.1.1670. --5: Aschild
Hougsdal (skal vera i Alenfit, og må då vera Hopsdal) [Askild Hopsdal]
og Lars Lechnes [Lars Leknes] oppnevnt til lagrettsmenn. 16.3.1670
VÅRTING PÅ [RADØY SKIPREIDE] SIN TINGSTAD. 1670: 2, 2b Fut
Peder Andersen [Peder Andersen]. Lagrettsmenn: Lensmann Oluf Wetaas [Ole Vetås],
Steffen Sæbøe [Steffen Sæbø], Siur Dalland [Sjur Dalland],
Knud Manger [Knut Manger], Jacob Sæbøe [Jakop Sæbø],
Hans Tougle [Hans Taule], Matis Quallem [Matias Kvalheim], Jens Sollem [Jens
Solheim], Joen Soelem [Jon Solheim]. Tingsaker: --1a: Opplese kongen sine 2
brev. Det eine om at all leik og spel skal opphøyra i eitt år i
Danmark og Noreg. --1b: Det andre at ingen tre måtte hoggast i kyrkjeskogane
utan kongen sitt løyve. --1c: Forkyndt kanslar og lensherre Johan Friderich
Marschalch [Johan Fredrik Marskalk] sitt befalingsbrev av 28.12.1669 om at:
Futen skal levere han ei oppgåve over dei soldatane som i denne regjeringa
si tid har misfare seg og vorte straffa (".. er worden Delinquerit och forseet
..") (medan dei var i teneste hjå bønder?) (Delinkvent = forbrytar
som sit arrestert og ventar på dom) (Sjå forøvrig kanslar/amtmann
J. F. Marskalk si befaling på
VÅRTINGet 7.4.1670 for Sartor sk.r., fol. 8. Mest truleg same ordren,
men her ligg tydelegvis ei anna meining i teksten i tingboka). Og vidare: Kva
nytte soldatane har vore til for bøndene, samt kva gardar eller gods
dette galdt. 2 gonger kvart år skal det gjerast hemmelege forhøyr
av alle lausgjengarar til skrekk og advarsel for dei. Legdet skal forsyna knektane
eller soldaten med naudsynt underhald, rekna til 8 sk. dagen. Eller som kost,
samt fartøy til transport, ved reise til garnisonen. Og er soldaten heime,
skal legdet ta han i vanleg teneste. --2: Omund Morchen [Amund Morken] stevna
Oluf Bouge [Ole Boga] for å ha vorte kalla tjuv. Ole Boga: Amund hadde
skore av båttauet til Ole med ein kniv. Og hadde difor sagt til Amund
"at han så gjerne måtte ha stole det". Noko anna hadde han ikkje
sagt. Ole Morchen [Ole Morken] og Ole Landsuig [Ole Landsvik]: Dei hadde høyrt
Ole Boga kalla Amund ein tjuv i samband med deiras trette om tauet Amund hadde
skore av. Halduor Landtzuig [Haldor Landsvik]: Oppfatta ei trette mellom Amund
og Ole om eit tau. Og høyrde Amund klaga seg for folka ikring at Ole
kalla han tjuv. Men Haldor hadde ikkje høyrt det sjølv av Ole
sin munn. Ole Boga: Hadde ikkje anna enn godt å sei om Amund. Avgjerd:
Ole Boga tilkjendt å bøta til kongen 3 mark sølv for sine
hastige og ubesindige ord. Men Ole sitt namn og rykte skulle ikkje lida last
for denne dommen. --3: Ole Quallem [Ole Kvalheim] oppnevnt til lagrettsmann.
Og Mogens ibm: [Mons Kvalheim] må møta på lagtinget. 17.3.1670
VÅRTING PÅ [LYGRA TINGSTOVE] I [LINDÅS SKIPREIDE]. 1670: 2b,
3 Fut Peder Andersen [Peder Andersen]. Lagrettsmenn: Lensmann Iffuer Fammestad
[Iver Famestad], Magne Bruntland [Magne Bruntland], Ifr Løffaas [Iver
Lauvås], Ole Hopland [Ole Hopland], Lars Schouge [Lars Skauge], Omund
Hunduen [Amund Hundven], Ole Myching [Ole Myking], Haauor Berge [Håvard
Berge], Besse Rosnes [Baste Rossnes]. Tingsaker: --1a: Opplese kongen sine 2
brev. Det eine om at all leik og spel skal opphøyra i eitt år i
Danmark og Noreg. --1b: Det andre at ingen tre måtte hoggast i kyrkjeskogane
utan kongen sitt løyve. --1c: Forkyndt lensherren sitt befalingsbrev
om soldatar som kunne ha misfare seg og gjort brotsverk. Og kongens forordning
om at soldatane skulle gjevast underhald ved reise til garnisonen. Elles som
nevnt under
VÅRTINGet for Radøy. --2: Rådmann Peder Hansen [Peder Hansen]
stevna følgjande for resterande landskyld og bygsel: (Namn/vedgjekk å
vera skuldig) Johans Kongleuold [Johannes Konglevold] - 3 rdl. landskyld for
2 år. Niels Grimbsen [Nils Grimson] - vart kravd for 3 1/2 rdl. Men sagt
at han hadde forfall og kunne ikkje møta, fordi han hadde sjuke folk
heime. Niels Knudtzen [Nils Knutsen] - 3 1/2 rdl. i landskyld og førstebygsel.
Ole Pedersen ibm: [Ole Pedersen](ibm: ??) - vart kravd for førstebygsel
5 rdl. og 4 års landskyld 4 rdl. Avgjerd: Bør betale det dei skuldar
innan 14. april førstkomande. --3: Magne Østrem [Magne Austreim]
og Niels Honnequamb [Nils Hodnekvam] vart oppnevnt til lagrettsmenn. 18.3.1670
VÅRTING PÅ [HALSVIK TINGSTOVE] I [GULEN SKIPREIDE]. 1670: 3, 3b
Fut Peder Andersen [Peder Andersen]. Lagrettsmenn: Bondelensmann Claus Molde
[Klaus Molde], Ole Østgulen [Ole Austgulen], Aslach Steene [Aslak Steine],
Hans Henrichsbøe [Hans Henriksbø], Oluff Nappen [Ole Nappen],
Ole Hougsdal [Ole Haugsdal], Jens Østgulen [Jens Austgulen], Joen Killinguold
[Jon Kjellevoll], Ole Risnes [Ole Risnes], Michel Miømen [Mikkel Mjømna],
Otte Østgulen [Otto Austgulen], Jetmund Eide [Jetmund Eide]. Tingsaker:
--1a: Opplese kongen sine 2 brev. Det eine om at all leik og spel skal opphøyra
i eitt år i Danmark og Noreg. --1b: Det andre at ingen tre måtte
hoggast i kyrkjeskogane utan kongen sitt løyve. --1c: Forkyndt lensherren
sitt befalingsbrev om soldatane m.m. Sjå forøvrig under
VÅRTINGet for Radøy. --2: Tidlegare sak mellom Anne Sande [Anna
Sande] og Karj Josepsdotter [Kari Josefsdotter] ropt opp. Men sidan ingen stevning
førelåg til dette tinget, vart saka utsett til neste. --3: Hans
Henrichsbøe [Hans Henriksbø] stevna "svogeren" ("Suoger") sin,
Ole Suendsen Dale [Ole Svendsen Dale], for 4 rdl. i lån til Ole. Ole møtte
i retten, og sa han var blitt forlikt med "svigerfar" ("Werfader") sin såleis,
at Ole skulle få behalda det han eigde då han vart gift med dotter
til Hans. Og svigerfar Hans skulle behalda (få att) det han hadde gjeve
til dotter si - altså Ole si (no) avdøde hustru. Dette hadde Hans
allereide motteke, sa Ole. Slik at kvar og ein på denne måte hadde
fått sitt i dette arveskiftet. Avgjerd: Sidan Hans Henriksbø var
tilfreds med det han gav (hadde gjeve) dotter si og ikkje søkte anna
arv etter henne enn det som lova tillet, då kunne han ikkje no i buet
søkja dekning for gjelda. Dette burde han vore merksam på tidlegare.
Og når Hans kan prova at han ikkje har fått (att) alt det han gav
til si no avdøde dotter (då ho gifte seg med Ole), då fekk
han ta saka opp igjen. --4: Lars Glenie [Lars Glenja] og Johans Dale [Johannes
Dale] oppnevnt til lagrettsmenn. 21.3.1670
VÅRTING PÅ [EIKANGER SKIPREIDE] SI TINGSTOVE. 1670: 3b, 4 Fut Peder
Andersen [Peder Andersen]. Lagrettsmenn: Lensmann Mogens Esem [Mons Eidsheim],
Ole Eide [Ole Eide], Ole Fyllinge [Ole Fylling], Magne Echnes [Magne Eknes],
Ole Eide [Ole Eide], Siur [Sjur Askeland], Christian Ascheland [Kristian Askeland],
Anders Eide [Anders Eide], Lars Eide [Lars Eide], Ole Øffre Echanger
[Ole Øvre Eikanger], Iffr Hindenes [Iver Hindenes], Jacob Dyrdal [Jakob
Dyrdal], Wemund Eide [Vemund Eide]. Tingsaker: --1a: Kunngjort 2 kongelege forordningar
("mandat"). Desse var: All spel og leik skal opphøyra i 1 år. Og
ingen tre må fellast i kyrkjeskogane utan kongeleg løyve. --1b:
Vidare kunngjort lensherren si befaling om transport og underhald for soldatar
på veg til Garnisonen, og at legdet skal ta dei i teneste når dei
må vera heime. Då må soldaten skikka seg mot husbonden slik
som ein lydig tenar bør. Og 2 gonger om året skal det gjerast forhøyr
til skremsel og avsky for alle lausgjengarar. --2: Rådmann Peder Hansen
[Peder Hansen] stevna følgjande for skuldig landskyld og bygsel: (Namn/Vedgjekk
å vera skuldig) Ifr Olsen Høye [Iver Olsen Hauge] - 9 mark i landskyld.
Gutormb Myr [Guttorm Myr] - 7 ort i landskyld. Niels Nielsen Myr [Nils Nilsen
Myr] - 3 riksdaler i landskyld for 2 år. Anders Nesbøe [Anders
Nesbø] - 5 ort i landskyld. Niels Suindal [Nils Svendal] - 5 ort i landskyld.
Mogens Knudsen Gillisuig [Mons Knutsen Gjelsvik] - 3 ort i landskyld. Anders
ibm: [Anders Gjelsvik] - 3 riksdaler minus 15 skilling i landskyld og 3.dje-bygsel.
Seffuind [Sefind Gjelsvik] og Gutorm [Guttorm Gjelsvik] - 1 1/2 rdl. 8 sk. i
landskyld og 1.ste-bygsel. Ole Biørge [Ole Bjørge] - 7 rdl. 2
mark i landskyld og 3.dje-bygsel. Joen Hielmaas [Jon Hjelmås] - 3 rdl.
1 mark. Sander Lj [Sander Li] på vegne av Anders Kleff [Anders Kleiven]
- 1 rdl. 12 sk. Ifuer Kleff [Iver Kleiven] - 9 mark året i landskyld for
3 år, ialt 4 1/2 rdl., samt 3 1/2 mark i 3.dje-bygsel. Jacob Lid [Jakop
Li] - 3 1/2 rdl. i landskyld og 3.dje-bygsel. Sander Lj [Sander Li] - 1 rdl.
i 1.ste-bygsel. Iffr Hindenes [Iver Hindenes] - 5 ort i 3.dje-bygsel. Iffr ibm:
[Iver Hindenes] på vegne av Mogens Hindenes [Mons Hindenes] - 2 rdl. 12
sk. i 1.ste- og 3.dje-bygsel. Haluor Schor [Halvor Skår] - 6 rdl. for
3 års landskyld og 3 1/2 mark for 1 års 3.dje-take. Ole Dyrdal [Ole
Dyrdal] - 2 1/2 rdl. for 2 års landskyld og 2 rdl. i 1.ste-bygsel. 3.dje-taken
var ikkje forfalle enno, sa han. Jacob Dyrdal [Jakop Dyrdal] - 10 1/2 mark i
landskyld og 3.dje-bygsel. Mogens Høeland [Mons Høyland] på
vegne av Steffen ibm: [Steffen Høyland] - 14 mark i landskyld og 3.dje-bygsel.
Mogens [Mons Høyland] også på vegne av Mogens Gudmundsen
ibm: [Mons Gudmundsen Høyland] - 1 tønne "Ryefylche Korn" og 3
ort. Mogens Høeland [Mons Høyland] på vegne av son sin,
Ole Mogensen Echangelj [Ole Monsen Eikangerli] - 8 1/2 rdl. i 1.ste-bygsel.
Ifr Echangerlj [Iver Eikangerli] - kravd for 10 rdl. i 1.ste-bygsel, men møtte
ikkje. Avgjerd: Å betale innan 14. april førstkommande. 22.3.1670
VÅRTING PÅ [HOSHOVDE TINGSTOVE] I [HOSANGER SKIPREIDE]. 1670: 4,
4b, 5 Fut Peder Andersen [Peder Andersen]. Lagrettsmenn: Lensmann Mogens Mieldstad
[Mons Mjelstad], Anders Myching [Anders Myking], Niels Miøs [Nils Mjøs],
Peder Ware [Peder Vare], Haluor Øfsthus [Halvor Øvsthus], Fusse
Fieldschaal [Fuse Fjellskål], Jørgen Bernes [Jørgen Bernes],
Magne Hannistuett [Magne Hanstveit], Lars Øfsthus [Lars Øvsthus],
Ole Fieldschaalnes [Ole Fjellskålnes], Johans Hoffstuett [Johannes Haugstveit],
Peder Øfsthus [Peder Øvsthus], Rasmus Hannistuett [Rasmus Hanstveit],
Anders Teppestad [Anders Tepstad], Johans Hoshoffde [Johannes Hoshovde]. Tingsaker:
--1a: Kunngjort 2 kongelege forordningar ("mandat"). Desse var: All spel og
leik skal opphøyra i 1 år. Og ingen tre må fellast i kyrkjeskogane
utan kongeleg løyve. --1b: Vidare kunngjort lensherren Johan Friderich
Marschalch [Johan Fredrik Marskalk] si skriftlege befaling om naudsynt transport
og underhald for soldatar på veg til Garnisonen. Og for lausgjengarar
skal det gjerast forhøyr 2 gonger om året. --2: Johannis [Johannes
Sandal] og Lauridtz Sandal [Lars Sandal] tildømt å bøta
for slagsmål 2 mark sølv kvar til kongen. --3: Ny handsamimg av
saka mellom Rasmus Blegelj [Rasmus Bleikli] og Johans Tuett [Johannes Tveiten]
om kjelen som Johannes kasta i sjøen. Begge møtte for retten.
Jørgen Blegelj [Jørgen Bleikli] vedgjekk at han i båten
gav Johannes Tveiten nokre neveslag. Avgjerd: Fordi Johannes Tveiten hadde kasta
Rasmus Bleikli sin kjele, verdt "half tredie" riksdaler, i sjøen, og
bakgrunnen for dette var at både Johannes Tveiten, Lars Sandal og Jørgen
Bleikli var drukne i båten, samt at Jørgen slo til Johannes - så
bør Johannes betala til Rasmus 9 mark som sin del i kjelen. Og Lars og
Jørgen må betala til Rasmus resten, nemleg 3 mark kvar. Alt dette
innan 14 dager. I tillegg vart Jørgen Bleikli dømt å betala
2 mark sølv til kongen for slagsmålet. --4: Peder Bernes [Peder
Bernes] stevna Ole Clausen Myching [Ole Klausen Myking] fordi Ole på siste
HAUSTTINGet skulda Peder for å ha "giort Bismer" (laga ein vegereidskap,
som på den tid var av tre). Og at Peder med denne bismeren kunne vega
4 pund inn, og berre "halftredie" pund ut. Stevna også for ein "Teger
och schindschoffuer". Ole møtte for retten, og sa han var drukken på
det tidspunkt han sa dette om Peder. Han visste elles ikkje om at Peder Erichsen
[Peder Eriksen Bernes] hadde laga nokon bismer. Det var Henrich [Henrik Herland]
og Steffen Helleland [Steffen Herland] som hadde sagt dette til Ole om Peder.
Ole vitna no for retten om Peder Eriksen, at så langt han visste om Peder,
så var han ein bra og ærleg mann. Han hadde ingen kjennskap til
at Peder nokon sinne hadde brukt falsk bismer, vekt eller mål. Og at skuldingane
frå Ole hadde skjedd i drukkenskap og uforstand. Så vart det framlagt
for retten 2 bismervekter, som Peder hadde laga. Desse vart kontrollvegne mot
"en Rett och Brendt Bismer", som kongen brukte. Og dei 2 vektene til Peder vart
funne å vera rette. --5: Rådmann Peder Hansen [Peder Hansen] stevna
følgjande for resterande landskyld: (Namn/vedgjekk å vera skuldig)
Ole Fieldschaalnes [Ole Fjellskålnes] på vegne av Knud Kalleland
[Knut Kalland] - 1 riksdaler. Johans Toschedal [Johannes Toskedal] på
vegne av Enchen Gamersuig [Enkja Gammersvik] - 4 1/2 rdl. Johans Toschedal [Johannes
Toskedal] - 7 1/2 mark i landskyld, og for 1 tønne korn 9 mark. Johans
[Johannes Toskedal] på vegne av Ole ibm: [Ole Toskedal] - 7 1/2 mark i
landskyld, og for 1 tønne korn 9 mark. Avgjerd: Alle vart dømde
til å betala gjelda si innan 14. april. --6: Utnemnde til lagrettsmenn
Johans Hoshofde [Johannes Hoshovde] og Anders Wea [Anders Veo] (Anders Veo kjem
frå garden Veo i Stamnes sokn, Arne sk.r.). 23.3.1670
VÅRTING PÅ [REIGSTAD TINGSTOVE] I [MJELDE SKIPREIDE]. 1670: 5, 5b
Fut Peder Andersen [Peder Andersen]. Lagrettsmenn: Lensmann Elling Burkeland
[Elling Burkeland], Michel Blom [Mikkel Blom], Laurs Houge [Lars Hauge], Mogens
Restad [Mons Reigstad], Simen Rønhofde [Simen Runnhovde], Johans Øffste
Mielde [Johannes Øvste-Mjelde], Johans Restad [Johannes Reigstad], Ole
Watle [Ole Vatle], Niels Braguatten [Nils Brakvatne], Poul Huidsteen [Paul Kvisti],
Johans Halleland [Johannes Halland], Niels Wesett [Nils Veset], Fabians Blomb
[Fabian Blom], Niels Daltued [Nils Daltveit], Laurs Wichne [Lars Vikne]. Tingsaker:
--1a: Kunngjort 2 kongelege forordningar ("mandat"). Desse var: All spel og
leik skal opphøyra i 1 år. Og ingen må hogga tre i kyrkjeskogane
utan kongeleg løyve. --1b: Opplese kanslaren/lensherren si befaling om
at soldatane skal ha - og skaffast, underhald på veg til Garnisonen. I
tillegg naudsynt transportmiddel. Påbodet etter kongen si forordning.
--2: Britte Nebstad [Brita Nepstad] stevna enkja Britte Meele [Brita Mele] for
resterande landskyld og 3.dje-bygsel. På Brita N. sine vegne møtte
Laurs Houge [Lars Hauge]. Olle Helgesen Reffuem [Ole Helgesen Revheim] møtte
for Brita M. Han vedgjekk at ho var skuldig Brita N. landskyld for 2 år
- ialt 5 riksdalar og 1 ort, heri 1 års ubetalt 3.dje-bygsel. Avgjerd:
Brita M. tildømt å betala innan 14. april. --3: Tomas Christensen
[Tomas Kristensen] i [Bergen] stevna Oluf Schistad [Ole Skistad] for gjeld.
Ole møtte, og vedgjekk å vera skuldig ialt "Halfsextende" riksdalar
på egne og andre sine vegne ("...egen wegne och som hand har sagt sig
goed for andre..."). Ole baud seg å betala til førstkomande haust.
--4: Oppnevnt til lagrettsmenn Rasmus Ascheland [Rasmus Askeland] og Anders
Mitmielde [Anders Midt-Mjelde]. 24.3.1670
VÅRTING PÅ [ARNE TINGSTOVE] I [ARNE SKIPREIDE]. 1670: 5b, 6, 6b
Fut Peder Andersen [Peder Andersen]. Lagrettsmenn: Lensmann Johans Indre Arne
[Johannes Indre Arne], Marchus Arne [Markus Arne], Anbiørn Jordal [Anbjørn
Jordal], Mogens Songstad [Mons Songstad], Ole Arnetuet [Ole Arnetveit], Besse
Fosmarch [Baste Fossmark], Rasmus Rombsloe [Rasmus Romslo], Ole Semb [Ole Seim],
Ole Bouge [Ole Boge]. Tingsaker: --1a: Kunngjort 2 kongelege forordningar. Desse
var: All spel og leik i bryllaup og barsel m.m. skal opphøyra i 1 år.
Og ingen må hogga tre i kyrkjeskogane utan løyve frå kongen.
--1b: Vidare forkyndt kanslar og lensherre Johan Friderich Marschalch [Johan
Fredrik Marskalk] sitt befalingsbrev om at soldatane skal ha 8 sk. - eller tilsvarande
i proviant, for kvar reisedag til garnisonen. Likeså naudsynte fartøy
til transport. Og 2 gonger om året skal det i futedømet gjerast
forhøyr til skrekk og advarsel for alle lausgjengarar. --2: Rådmann
Peder Hansen [Peder Hansen] stevna følgjande for resterande landskyld
og bygsel: (Namn/vedgjekk å vera skuldig) Haluor Aasem [Halvor Åsheim]
- 1 rdl. i landskyld. Jørgen Halstensen ibm: [Jørgen Halsteinsen
Åsheim] - 3 1/2 rdl. Niels Erichsen Indre Arne [Nils Eriksen Indre Arne]
- landskyld for 1666 og -67 med 4 1/4 rdl. og på 1 tn. korn 2 mark. Johans
Iffuersen ibm: [Johannes Iversen Indre Arne] - 3 1/2 rdl. i landskyld og 3.dje-bygsel.
Avgjerd: Alle bør betala innan 14. april førstkomande. --3: Sirj
Ingebritsdatter [Siri Ingebrigtsdotter] stevna Oluf ØfreEide [Ole Øvreeide],
fordi han skal ha late kome ut at ho hadde stole ei ku frå Hans Nielsen
[Hans Nilsen Øvreeide] - rådsmann (gardsstyrar) på Øvreeide.
Ole møtte, og sa han hadde høyrt det av Oluf Raadsmand [Ole Eidsvåg]
og kona hans, Christj Eidtzuog [Kristi Eidsvåg] (rådsfolk/gardsstyrarar
på Eidsvåg). Og Ole kalla inn Rasmus Seluig [Rasmus Selvik] og Marite
Nielsdatter [Marta Nilsdotter], som begge hadde høyrt same orda frå
Ole og Kristi. Men sidan ekteparet Ole og Kristi ikkje var tilstades i retten,
og heller ikkje lovleg stevna, så vart saka sett i bero. --4: Omund Hiortland
[Amund Hjortland] stevna Haluor Espel [Halvor Espeli] for 3 mark i hestefoster.
Halvor møtte, og sa han tok imot hesten for å fø den vinteren
over for 1 rdl. Men før vinteren var forbi, kjøpte Amund hesten
av Fredrich i Ildhuset [Fredrik i Eldhuset] og tok den heim til seg mot Halvor
sin vilje. Avgjerd: Sidan Amund sjølv kjøpte hesten, fall det
på han å fø den vidare. Det var Fredrik som hadde betalt
foster til Halvor for hesten, og ikkje Amund. --5: Oele Andersen Tuenes [Ole
Andersen Tunes] og Arent Toftt [Arent Tuft] oppnevnt til lagrettsmenn. 26.3.1670
VÅRTING PÅ [HOP TINGSTOVE] I [SKJOLD SKIPREIDE]. 1670: 6b, 7, 7b
Fut Peder Andersen [Peder Andersen]. Lagrettsmenn: Bondelensmann Peder SmørAas
[Peder Smørås], Ole Sandal [Ole Sandal], Ole Hop [Ole Hop], Lasse
Nordaas [Lasse Nordås], Oluff Eide [Ole Eide], Niels Dingeland [Nils Dyngeland],
Ole Schage [Ole Skage], Ole Totland [Ole Totland], Matis Bratland [Matias Bratland],
Lasse Søraas [Lasse Sørås], Niels Schiold [Nils Skjold],
Ole Biøndal [Ole Bjørndal], Ole Tittelstad [Ole Titlestad], Niels
Hop [Nils Hop], Jens Hucheland [Jens Haukeland], Ole Heldal [Ole Heldal]. Tingsaker:
--1a: Opplese 2 kongelege forordningar: All leik og spel skal opphøyra
i eitt år. Og ingen må hogga tre i kyrkjeskogane utan løyve
frå kongen. --1b: Vidare kunngjort kanslaren/lensherren sitt befalingsbrev
om at legdsmennene skal ta soldatane i teneste den tid dei må vera heime.
Og at dei skal gjevast underhald 8 sk. for kvar dag dei er på reise til
garnisonen - eller tilsvarande i proviant. 2 gonger i året skal det gjerast
forhøyr til skrekk og advarsel for alle lausgjengarar. --2: Etter krav
frå Peder Houge [Peder Hauge] vart følgjande gavebrev opplese (eit
utdrag): Gjevaren var Peder Andersen Houge (i Arna) [Peder Andersen Hauge] -
lagrettsmann i Skjold sk.r., og fødd kring 1608. Gift ca. 1669 med Inger
Lauridtzdatter [Inger Larsdotter], fødd før 1630. Ekteskapet var
hittil barnlaust. Ved gjevaren sin død, skal enkja ha tiende og fjerdingsgåve
(1/4-delen av all eiga til gjevaren) etter lova (A: B: 22 Cap:). Gåvebrevet
skal gå føre eventuelle arvingar etter Peder. Hop, den 26.3.1670.
Til vitne: fut Peder Andersen [Peder Andersen] og sorenskrivar Hans Hansen [Hans
Hansen]. --3: Otte Hansen [Otto Hansen] stevna Laurs Mittun [Lars Midtun] for
11 rdl. i gjeld - ei skuld som Lars også på
HAUSTTINGet 12.10.1668 vart tiltalt for. Lars vart ropt opp i retten, men møtte
ikkje. Tildømt at han bør betala innan 14 dagar eller vurdering
i buet hans. --4: Samuel Hansen [Samuel Hansen] stevna følgjande for
resterande landskyld: (Namn/vedgjekk å vera skuldig) Tomas Nøtuet
[Tomas Nøtveit] - 8 mark 4 sk. Jon Samdal [Jon Samdal] - møtte
ikkje. Peder Schiold [Peder Skjold] - 9 mark. Salmon Grimstad [Salomon Grimstad]
- møtte ikkje. Niels Natland [Nils Natland] - møtte ikkje. Mogens
Stortuet [Mons Storetveit] - møtte ikkje. Niels Øfre Fyllinge
[Nils Øvre Fyllingen] - sa han ville betala 4 mark. Avgjerd: Dei skuldige
som møtte, bør betala innan 14 dagar. --5: Ole Houge [Ole Hauge]
og Niels Øffre Natland [Nils Øvre Natland] oppnevnt til lagrettsmenn.
7.4.1670
VÅRTING PÅ [SKOGE TINGSTOVE] I [SARTOR SKIPREIDE]. 1670: 7b, 8,
8b Fut Peder Andersen [Peder Andersen]. Lagrettsmenn: Lensmann Ole Bielcherøen
[Ole Bjelkarøy], Mogens Worland [Mons Vorland], Willum ibm: [Vilhelm
Vorland], Ole Hambre [Ole Hamre], Hans Kousland [Hans Kausland], Lars ibm: [Lars
Kausland], Anders Bildøen [Anders Bildøy], Jacob Hammersland [Jakop
Hammersland], Tomas Børnes [Tomas Børnes], Anders Kobeltued [Anders
Kobbeltveit], Wincentz Selle [Vinsents Sæle], Hans Algrøen [Hans
Algerøy], Henrich Østtued [Henrik Øvstetveit], Peder Bache
[Peder Bakke], Ole Colbensen [Ole Kolbeinsen]. Tingsaker: --1a: Opplese 2 kongelege
forordningar: All leik og spel skal opphøyra i eitt år. Og ingen
må hogga tre i kyrkjeskogane utan løyve frå kongen. --1b:
Kunngjort kongen sitt skattebrev for 1670. --1c: Vidare forkyndt kanslar og
amtmann Johan Frederich Marschalch [Johan Fredrik Marskalk] sitt befalingsbrev
om at legdsmennene skal ta soldatane i teneste når dei må vera heime.
Og at soldaten av legdet skal gjevast 8 sk. - eller tilsvarande i proviant,
for kvar dag dei er på reis til garnisonen. 2 gonger om året skal
det gjerast forhøyr til skrekk og advarsel for alle lausgjengarar. Futen
fekk i same brevet ordre om å laga ei oppgåve til amtmannen over
dei bønder som soldatane "Kand befindis at haffue Vdgifuet", det vere
seg på gods eller gard "det end och Kand were scheed," (kven til og på
kva gard soldatane er utplassert i teneste). Likeså kva nytte bøndene
har hatt av denne ordninga. (Sjå under
VÅRTINGet 16.3.1670 for Radøy sk.r., fol.2b, pkt.1c. Mest truleg
same ordren, men tingbokteksten gjev tydelegvis ei anna meining). --2: Futen
let stevna Karj Johansdatter Sørfielde [Kari Johannesdotter Søre
Fjell] - ein krøpling. Ho vedgjekk å ha fødd eit barn, men
visste ikkje kva barnefaren heitte - anna enn at han var ein omstreifar som
hadde teke henne med vold, då ho var åleine heime i huset. Barnet
kom til verda litt etter sist jul. Ny etterforsking, for å finna ut om
ein annan kan vera far til barnet. --3: Hans Grafsted [Hans Grafsted] si enkje
stevna følgjande for skuld: Dirich Nielsen [Didrik Nilsen], som vedgjekk
at far hans, Niels Selstøe [Nils Selstø], var skuldig 1 mark.
Nils tilkjent å betala innan 14 dagar. Ole Haluorsen Mitfielde [Ole Halvorsen
Midtre Fjell] kravd for 4 rdl. 2 mark og 2 sk. Møtte ikkje, då
kona hans låg i barselseng. Erich Mogensen Knapschouff [Erik Monsen Knappskog]
kravd for 2 rdl. 4 mark og 14 sk. Møtte ikkje. Men Ole Colbensen [Ole
Kolbeinsen] stadfesta at han var lovleg stevna. Erik difor tilkjent å
bøta 1 mark sølv i stevnefall. Orge/Ørie Asbiørnsen
[Ørjan Asbjørnsen] kravd for 10 rdl. 3 ort. Eigentleg var det
faren Asbiørn [Asbjørn] som var skuldig pengane, og ikkje Ørjan.
Men Asbjørn var død, og buet etter han gjort opp. Ørjan
møtte i retten, og sa at Hans Grafsted i skiftet etter Asbjørn
fekk utlagt 3 rdl. i ein kjele. Vidare fekk borgarmeister Søren Jensen
[Søren Jensen] utlagt 4 rdl., og Christoffer Meyer [Kristoffer Meyer]
3 rdl. - alt i same kjelen. Meir var det ikkje å henta i buet. --4: Hans
Schouge [Hans Skauge] stevna Adtzer Østtuet [Assar Øvstetveit],
fordi Hans på "ein fri kyrkjebakke" vart skulda av Assar for å ha
skore over sildegarnet/-a hans under sildefisket. Assar møtte, og sa
at det var nok så. Men han hadde ikkje nevnt noko om tjueri. Og krov tid
på seg til å skaffa prov. Dette vart innvilga av retten. Saka opp
att på neste ting. --5: Rådmann Peder Hansen stevna følgjande
for gjeld: Avdøde Johans Waarøen [Johannes Varøy] si enkje
Anne [Anna Varøy] kravd for 6 1/2 rdl. Enkja møtte, og sa at hennar
avdøde mann hadde leigd 1 spann fisk i garden. For dette betalte han
5 rdl. i bygsel, og hadde sagt at no skulda han ikkje noko meir. Men dei hadde
enno ikkje fått bygselseddel. Anna si svigermor, Marj Warøen [Mari
Varøy], var og i retten og sa at ho berre hadde gjeve Johannes løyve
til å bygsla 1 spann fisk. Resten av bruket ville ho sjølv driva
og ha. Saka på vent inntil vidare. Johans Golten [Johannes Golten] vedgjekk
å vera skuldig 5 rdl. i bygsel. Vart tilkjent å betala innan 14
dagar. --6: Niels Telle [Nils Telle] og Erich Scholleuig [Erik Skålevik]
oppnevnt til lagrettsmenn. 15.4.1670 RETTSMØTE PÅ GARDEN [TVEITEN]
I [SKJOLD SKIPREIDE]. 1670: 8b, 9 Retten sine menn: Peder Smøraas [Peder
Smørås], Lasse Nordaas [Lasse Nordås], Peder Hop [Peder Hop],
Ole Totland [Ole Totland], Peder Hornes [Peder Hordnes], Niels Skiold [Nils
Skjold], Lasse Smøraas [Lasse Smørås]. Tingsak: --1: Anders
Nielsen Tuet [Anders Nilsen Tveiten] la fram stevning frå lensherren mot
borgarmeister Peter Trojel [Peter Trojel] i Bergen [Bergen], der Anders meinte
seg rett til å få bygsla foreldra sin jordepart i garden Tveiten.
Foreldra er døde, og parten deiras no ledig. Anders la fram i retten
bygselbrev på det han frå tidlegare sjølv bygslar i bruket.
På P. Trojel sine vegne møtte tenaren hans, Johan Loussen [Johan
Loussen]. Han sa at når Peter var lovleg stevna, så ville han og
svara. Anders fortalde at han, saman med Oluf Sandal [Ole Sandal], 3 gonger
hadde vore hjå borgarmeisteren og kravt bygsel på det ledige bruket.
Johans Tuett [Johannes Tveiten] hadde vore 2 gonger med Anders, og Haluor Grimbstad
[Halvor Grimstad] 1 gong. Dette stadfesta både Ole og Johannes for retten.
Men Trojel krov at Anders gav frå seg til han den parten som Anders brugte.
Og sa vidare at Anders heller ikkje kunne få bygsla den ledige parten
etter foreldra. Han ville sjølv bruka den til hausten, og så sjå
kva han kunne gjera. Ole Sandal og Johannes Tveiten stadfesta dette ved ed,
men ikkje det om at Trojel ville ha Anders til å avstå til han den
parten Anders bygslar. Dei sa dette var Anders sine ord. Johan Loussen sa vidare,
at dersom stevnemålet mot Trojel kunne gjerast lovleg, då ville
borgarmeisteren krevja utsetjing. For då ville han sjølv koma med
svar til motparten. No var han hindra av andre forretningar. Men Anders krov
endeleg dom. Avgjerd: Avdi Anders Tveiten frå før har bygsla 1/2-delen
av far sin sitt bruk i Tveiten, medan faren sat på andre 1/2-delen: 1/2
spann smør, 1/2 kvarter malt og 1/4 spann hud. Men då faren er
død, er denne delen vorte bygselledig. Anders var 3 gonger inne hjå
P. Trojel (ombudsmann for gardeigaren) for å få bygsla parten. Men
Trojel vegra seg. Sidan omtalte jordepart var faren sitt bruk - og hans son
er nærast til å overta, då bør Anders herved uhindra
få tiltre nemnde jordepart etter far sin. Dommen viser og til k. Christian
4. si lov, som seier at slik ein "ring" (dårleg) jordepart bør
gå til ein enkelt bygselmann. 20.7.1670 L
LEDINGSTING PÅ [FREKHAUG TINGSTOVE] I [HERDLA SKIPREIDE]. 1670: 9, 9b,
10, 10b, 11 Fut Peder Andersen [Peder Andersen]. Lagrettsmenn: Lensmann Ole
Landzuig [Ole Landsvik], Iffuer Rong [Iver Rong], Tøris Herleuer [Tørris
Herdlevær], Anders Husebøe [Anders Husebø], Anders Hougland
[Anders Haugland], Laurs Oen [Lars Oen], Knud Tielstad [Knut Tjelstø],
Knud Dale [Knut Dale], Niels Alføen [Nils Alvheim], Michel Frommereid
[Mikkel Frommereid], Steffen [Steffen Tveiten], Magne Tuett [Magne Tveiten],
Gulich Hegsdal [Gullik Hesdal], Magne Grasdal [Magne Grasdal], Poul Nesse [Paul
Nesse], Mogens Tuett [Mons Tveiten]. Tingsaker: --1a: Opplese kongen sitt skattebrev
for 1670. --1b: Samt forbod mot hogging i kyrkjeskogane. --2: Tøris Herleuer
[Tørris Herdlevær] kom fram for retten og ba om vitnesbyrd frå
almue og lagrett (tingsvitne) på at husa hans på garden Herdlevær
brann ned ved vådeeld - unnateke løa ("Laden") og floren ("fee
Huset"). Dette skjedde 14 dagar før "St. Michelj" i 1669. I tillegg vart
Tørris for ca. 2 1/2 års tid sidan frårøva all formuen
sin av sjørøvarar eller kaperar, ettersom han bur på utsida
ved havet. Han ba om skattefritak. --3: Anders Fosse [Anders Fosse] tilkjent
å bøta 5 ort til kongen, fordi Anders hadde vore for tidleg ilag
med kona si. Men utan at det vart barn av det. Futen ettergav bota grunna Anders
sin fattigdom. --4: Kong Christian 5. sitt skattebrev for 1670 attgjeve i sin
heilhet i tingboka. I korthet går det ut på at kongen så gjerne
ville ha minska skattane for alle i landet. Men grunna riket sin tryggleik og
andre store utgifter, vart han forhindra i dette forsettet. Og laut diverre
- i år som tidlegare - oppretthalda dei ordinære skattane samt rytterhald
og skyssferdspengar. Slottet i København, 26.2.1670. --5: Etter krav
frå Casper Bager [Casper Bager] vart følgjande pantebrev opplese:
(utdrag) Skyldnar: Anders Johansen Iden [Anders Johannesen Io] i Herdla. Kreditor:
Casper Wilchens [Casper Wilchens] - bakar, og bur i Bergen. Lånesum og
vilkår: 260 rdl. (til 96 sk. dalaren). 6 % rente p.a. gjeldande frå
27.9.1669. 1/2 års oppseiingstid. Trygd: Lånet er sikra med 1.ste
prioritet pant i Anders sin gard Io (Iden), og med samtykke frå kona til
Anders. I dokumentet er det også nemnd 2 born til Anders (".. och begge
voris Arffuinger .."). I tillegg fekk kreditor til forvaring Anders sitt odelsskøyte
("Pergamentz AdKombst Odelsbref") på Iden. Lånekapitalen er farsarven
til dei umyndige borna etter Jan Geffuertz [Jan Geffuertz] - føremannen
til Casper. Enkja etter Jan såleis gift oppatt med Casper. Desse borna
er seinare i dokumentet nemnd som steborn til Casper. Lånet tok Anders
opp i si tid hjå Jan. Så dette er vel helst ei fornying grunna skifte
i familietilhøva hjå kreditor. Vitne: Peder Luden/Lyden [Peder
Luden] og Claus Von Rechen [Claus von Rechen] - begge borgarar av Bergen by.
Datert Bergen, 27.9.1669. 21.7.1670
L
LEDINGSTING PÅ [ALENFIT SKIPREIDE] SI TINGSTOVE. 1670: 11, 11b Fut Peder
Andersen [Peder Andersen]. Lagrettsmenn: Lensmann Laurs Mundal [Lars Mundal],
Niels Tuett [Nils Tveiten], Haauor Isdal [Håvard Isdal], Hans Feste [Hans
Feste], Hans Fosse [Hans Fosse], Aschild Nebstad [Askild Nepstad], Knud BerAas
[Knut Berås], Anders Selleuold [Anders Sellevoll], Oluff Grøtued
[Ole Grøtveit], Anders Kaberdal [Anders Kapperdal], Arne Quamme [Arne
Kvamme], Anders Øffstegaard [Anders Øvstegard]. Tingsaker: --1:
Opplese kongen sitt skattebrev for 1670. --2: Sjå tidlegare sak under
VÅRTINGet 15.3.1670: Steffen Hilleland [Steffen Hilland] mot Siur Hilleland
[Sjur Hilland]. Sjur ba no om orsaking for orda sine mot Steffen, og partane
forliktest så i retten. Men Sjur måtte bøta 3 mark i sølv
til kongen. --3: Skyss-skaffaren la inn klage på nokre av mannskapet.
Oluf Semb [Ole Seim], Anders ibm: [Anders Seim], Baste Watne [Baste Vatne],
Magne ibm: [Magne Vatne], Aslach ibm: [Aslak Vatne] og Anders Eicheland [Anders
Eikeland] var ikkje viljuge å skyssa sjølvaste kanslaren då
han var på reis. Kvar av dei vart difor bøtelagt med 1/2 mark sølv.
Dessutan laut dei betala andre skyssfolk som måtte overta oppdraget. 22.7.1670
L
LEDINGSTING PÅ [RADØY SKIPREIDE] SI TINGSTOVE. 1670: 11b Fut Peder
Andersen [Peder Andersen]. Lagrettsmenn: Bondelensmann Oluff Wetaas [Ole Vetås],
Johans Helleland [Johannes Helland], Steffen Sæbøe [Steffen Sæbø],
Mogens Ydstebøe [Mons Ystebø], Knud Soltued [Knut Soltveit], Hans
Tougle [Hans Taule], Ole Soltuet [Ole Soltveit], Jacob Sæbøe [Jakop
Sæbø], Oluff Huidsteen [Ole Kvisti], Mogens Strømme [Mons
Straume], Knud Sollem [Knut Solheim], Jens Sollem [Jens Solheim], Niels Olsuold
[Nils Olsvoll]. Tingsaker: --1: Opplese kongen sitt skattebrev for 1670. --2:
Simen Rasmussen [Simen Rasmussen] stevna Josep Nesse [Josef Nesse] for klær,
og ku- og smaleleige, som Josef er skuldig han. Josef møtte, og vedgjekk
at han skulda Rasmus for løn, ialt 3 rdl. Han baud seg å betala
noko i haust, og resten seinare etterkvart. Tilkjent å betala dei 3 rdl.
i løn til Simen innan 1 år frå no. 23.7.1670
L
LEDINGSTING PÅ [LYGRA TINGSTOVE] I LINDÅS SKIPREIDE. 1670: 11b,
12, 12b, 13 Fut Peder Andersen [Peder Andersen]. Lagrettsmenn: Bondelensmann
Iffr Fammestad [Iver Famestad], Christian Mogensløb [Kristian Monslaup],
Knud Schouge [Knut Skauge], Børge Oenes [Berge Ones], Gudmund Qualuog
[Gudmund Kvalvåg], Magne Bruntland [Magne Bruntland], Lars Hopland [Lars
Hopland], Iffr Løffaas [Iver Lauvås], Hans Qualuog [Hans Kvalvåg],
Erich Aaraas [Erik Årås]. Tingsaker: --1a: Kongen sitt skattebrev
for 1670 opplese. --1b: Kunngjort kong Christian 5. sitt påbod av 29.4.1670,
om at alle bøne- og klageskrift (supplikasjoner) til han må vera
påskrive og kontrollert på førehand. Påbodet retta
til stathaldar Vlrich Friderich Guldenlew [Ulrik Fredrik Gyldenløve],
som gav same ordren nedover til amtmann i Bergenhus amt, Johan Friderich Marschalch
[Johan Fredrik Marskalk]. --2: Christen Knudsen [Kristen Knutsen] på Tomas
Gilbertsen [Tomas Gilbertsen] sine vegne la fram ei stevning i retten mot Søffren
Søffrensen d.y. [Søren Sørensen d.y.] og Peder Finde [Peder
Finne] - sokneprest til Førde pr.gj. [Førde prestegjeld], og prost
i Siundfiord [Sunnfjord]. Saka galdt 1 løp smør og 1 får
i garden Risse [Risse] - av Søren pantsett til Tomas, som med dette ville
ha stadfesting på kravet sitt. Ingen av dei stevna møtte. Futen
bandla ("Arresterede") landskylda inntil nærare utgreiing i saka. --3:
Niels Pedersen Schreder(?) [Nils Pedersen Skredder](?) stevna Iffuer Niøten
[Iver Njøten], fordi Iver ikkje nemner Nils ved sitt rette namn, men
kallar han "Grøden" [Grøten]. Iver møtte, og vedgjekk dette.
Men sa at fleire gjorde det same. Iver tildømt å bøta 1
mark sølv til kongen, og ikkje nemna ordet meir. --4: Kunngjort kanslaren
si befaling av 3.5.1670: At ved betaling av tienden, så skal almuen i
Lindås sk.r. levera fisken deiras til Mogens Dauidsen [Mons Davidsen]
på Feddie [Fedje]. 25.7.1670 L
LEDINGSTING PÅ [HALSVIK TINGSTOVE] I [GULEN SKIPREIDE]. 1670: 13, 13b
Fut Peder Andersen [Peder Andersen]. Lagrettsmenn: Lensmann Claus Molde [Klaus
Molde], Erich Risnes [Erik Risnes], Jetmund Eide [Jetmund Eide], Jens Østgulen
[Jens Austgulen], Mogens Westuig [Mons Vestervik], Jørgen Myre [Jørgen
Myre], Hans Grinnen [Hans Grinde], Joen Kiellinguold [Jon Kjellevoll], Joen
Høeuig [Jon Høyvik], Joen Knaruig [Jon Knarvik], Johans Dale [Johannes
Dale], Lars Glenie [Lars Glenja], Johans Høeuig [Johannes Høyvik],
Ole Nappen [Ole Nappen]. Tingsaker: --1a: Kongen sitt skattebrev for 1670 opplese.
--1b: Og likeså påbod om at alle bøne- og klageskrift (supplikasjonar)
skal vera kontrollerte og påskrivne før dei er komne til kongen.
--2: Futen let stevna Peder Poulsen Norgulen [Peder Paulsen Nordgulen], Colben
Tuetten [Kolbein Tveit] og Effuend Suendsen Nesse [Eivind Svendsen Nesse]. Trass
i tilseiing frå skyss-skaffaren, så møtte dei ikkje opp til
skyssing av kanslaren på hans reise til møte i Overhoffretten.
Kvar av dei vart tildømt å bøta 1/2 rdl. til kongen. --3:
Futen stevna endå ein gong Anne Olsdatter Sande [Anna Olsdotter Sande]
og Karj Joesepsdatter [Kari Josefsdotter] (sjå under
VÅRTINGet 18.3.1670 for Gulen sk.r.). Anna skal "efter hendis beretning"
ha lege i barselseng for Kari. Anna vedgjekk no å ha lege 8 dagar for
Kari i barselseng, men at Kari fødde barnet. Og etter omlag 7 veker gjekk
ho til kyrkjes. Der let ho seg "Indlede" (som inngangskone) i kyrkjedøra
av no avdøde sokneprest Styrch [Styrch]. Nett likesom andre kvinner gjorde
etter å ha fødd barn. Kari møtte og for retten, men nekta
høglytt å ha fødd barnet ho vert skulda for. Hans [Hans
Sande] og Knud Sande [Knut Sande]: Visste ikkje meir om dette enn det Anna sjølv
fortalde dei, då ho låg i barselseng. Dei var bedne om å stå
fadder på barnet - det barnet som Anna sa var hennar eige. Dei stod deretter
fadder i Effuenuig Prestegaard [Eivindvik Prestegard]. Men då barnet vart
døypt, tvilte ("Tiufflede") no avdøde prost Styrch på korleis
Anna Olsdtr. så snart kunne ha barn igjen. Han gav seg då til å
rekna litt etter på tida, og kom til at dette neppe kunne stemma. Dei
2 mennene sa dei visste ikkje anna enn ryktet på bygda hadde å fortelja.
Hans Sande: Steson hans, Rasmus Mogensen [Rasmus Monsen] - som no er i Nordland
for han, hadde fortald at Kari Josefsdtr. hadde senga si på vestre sida
i floren på Sande i den veka barnet vart fødd. Futen krov no at
saka måtte bero til
HAUSTTINGet - i von om fleire opplysningar. --4: Niels Vndal [Nils Undal] [Nils
Åmdal] stevna Mogens [Mons Halland], Hans [Hans Halland] og enkja Halland
[Enkja Halland], fordi dei hadde teke hesten ("Horset" = hoppa) hans og bunde
den i garden deiras. Straks etter skal den ha vore død. Mons, Hans, og
enkja sin son, Anders Iffuersen [Anders Iversen Halland] møtte i retten.
Dei vedgjekk at Anders tok hoppa og batt den i garden om sundagen etter preika.
Måndagen slapp han den laus i marka att. Claus Molde [Klaus Molde] og
Jørgen Myre [Jørgen Myre]: Sa dei såg hestehovudet, som
på eine sida var så sundslege at dyret ikkje kunne gå. Avgjerd:
Dei tiltalte bør innan 14 dagar bøta 4 slettmark kvar til Nils
for hoppa. 27.7.1670 L
LEDINGSTING PÅ [EIKANGER TINGSTOVE] I [EIKANGER SKIPREIDE]. 1670: 13b,
14 Fut Peder Andersen [Peder Andersen]. Lagrettsmenn: Lensmann Mogens Essem
[Mons Eidsheim], Siur Ascheland [Sjur Askeland], Aschild Ascheuig [Askild Askvik],
Børge Jordal [Berge Jordal], Lars Eidtznes [Lars Eidsnes], Mogens Quinge
[Mons Kvinge], Anders Fyllinge [Anders Fylling], Anders Hindenes [Anders Hindenes].
Tingsaker: --1a: Opplese kongen sitt skattebrev for 1670. --1b: Og befaling
om kontroll og påskrift av bøne- og klageskrift (supplikasjonar)
til kongen. --2: Hans Hougsdal [Hans Haugsdal] og Wemund Eye [Vemund Eide] vart
tilkjent å bøta til kongen 3 mark sølv kvar, for deiras
usemje og slagsmål på tinget. --3: Sæfind Eide [Sefind Eide]
tilkjent å lata Niels Rødland [Nils Rødland] "were følgagtig"
eit lam som tilhøyrer Nils, og som sist haust hadde forvilla seg vekk
frå flokken hans. 28.7.1670 L
LEDINGSTING PÅ [HOSHOVDE TINGSTOVE] I [HOSANGER SKIPREIDE]. 1670: 14 Fut
Peder Andersen [Peder Andersen]. Lagrettsmenn: Lensmann Mogens Mieldstad [Mons
Mjelstad], Magne Hannistuett [Magne Hanstveit], Peder Wahre [Peder Vare], Niels
Miøs [Nils Mjøs], Gulich Noraas [Gullik Nordås], Niels Hoele
[Nils Hole], Haluor Øffsthus [Halvor Øvsthus], Rasmus Hannistuett
[Rasmus Hanstveit], Jørgen Bernes [Jørgen Bernes], Ole Litland
[Ole Litland], Lars Øffsthus [Lars Øvsthus], Fusse Aasemb [Fuse
Åsheim], Ole Hoffstuett [Ole Haugstveit]. Tingsaker: --1a: Opplese kongen
sitt skattebrev for 1670. --1b: Og befaling om kontroll og påskrift av
bøne- og klageskrift (supplikasjonar) til kongen. --2: Konene til Haauor
Haaland [Håvard Håland] og Lauritz ibm: [Lars Håland] vart
tilkjente å bøta til kongen 1 mark sølv kvar, for slagsmål
og munnbruk mot kvarandre. Og for at Håvard ikkje hadde halde smalen sin
vekk frå Lars sin bø. Kvinnene vart advart mot vidare slik framferd.
--3: Lauritz Sandal [Lars Sandal] tildømt å bøta 1/2 mark
sølv til kongen for å ha slege til Johans Tuett [Johannes Tveiten].
29.7.1670 L
LEDINGSTING PÅ [REIGSTAD TINGSTOVE] I [MJELDE SKIPREIDE]. 1670: 14, 14b,
15, 15b, 16 Fut Peder Andersen [Peder Andersen]. Lagrettsmenn: Lensmann Elling
Burcheland [Elling Burkeland], Tomas Hundhammer [Tomas Hundhamar], Mogns Restad
[Mons Reigstad], Erich ibm: [Erik Reigstad], Mogens Lofttaas [Mons Loftås],
Oluff Watle [Ole Vatle], Anders [Anders Øvste-Mjelde] og Johans Øffstemielde
[Johannes Øvste-Mjelde], Mogens Haffre [Mons Havre], Rasmus Blomb [Rasmus
Blom], Anders Mitmielde [Anders Midt-Mjelde], Anders Riffuenes [Anders Rivenes],
Rasmus Ascheland [Rasmus Askeland]. Tingsaker: --1a: Opplese kongen sitt skattebrev
for 1670. --1b: Og påbod om at alle bøne- og klageskrift (supplikasjonar)
skal vera påskrivne og kontrollert av statthaldar Vldrich Friderich Guldenlew
[Ulrik Fredrik Gyldenløve], før dei vert lagt fram for kongen.
--2: Kunngjort følgjande skiftebrev etter avdøde Søffren
Nielsen Foxs [Søren Nilsen Fox] - forrige fut i Nordhordland: (Dokumentet
omskrive) Cathrine Hansdatter [Katrine Hansdotter] - enkje etter avdøde
Søren Nilsen Fox, let kunngjera "ei rett og lovleg buregistrering og
arveskifte" mellom seg og deiras umyndige dotter, Wibeche Sørensdatter
[Vibeke Sørensdotter]. Til stades var Offue Jensen [Ove Jensen] - borgarmeister
i Bergen [Bergen] - far til Katrine, og hennas 4 brør: Jens Hansen [Jens
Hansen] - sokneprest til Gloppen pr.gj. [Gloppen prestegjeld] i Nordfiord [Nordfjord],
Otte Hansen [Otto Hansen] - sokneprest til NyeKierchen i Bergen [Nykyrkja i
Bergen], Samuel Hansen [Samuel Hansen] - kapellan til Dombkierchen i Bergen
[Domkyrkja i Bergen], og Peder Hansen [Peder Hansen] - sokneprest til Eidtzfiord
pr.gj. [Eidsfjord prestegjeld] i Nordfiord [Nordfjord]. Vidare var tilstades:
Futen Peder Andersen [Peder Andersen], sorenskrivar Hans Hansen [Hans Hansen],
Jesper Skrøder [Jesper Skrøder] - borgar i Bergen, og Giert Doett
[Gjert Dott] - borgar i Bergen. VERDIAR I BUET: Av gull og sølv: 1 gullkjede
på 16 lodd og 1 kvintin. 1 armband på 8 lodd og 1/2 kvintin. 2 gullringar
på 3 kvintin. Alt verdsett til 175 rdl., 5 mark og 4 sk. Av sølv:
1 kanne på 64 lodd. 1 kanne på 62 lodd. 1 kanne på 44 lodd.
5 beger på 52 lodd. Eit drikkekar på 43 lodd. 1 potte på 23
lodd. 1 skål på 22 lodd. 8 konfektskåler på 60 lodd.
2 smørbrikker på 14 lodd. 22 skeier, 1 røyrskei, 1 brennevinskål
- tilsaman 92 lodd. Alt verdsett til 218 rdl. og 1 mark. 1 diamantring til 40
rdl. Mynta gull for 50 rdl. 1 sølvkanne på 92 lodd, men denne var
enkja si festargåve frå ektemannen, og vart halde utanfor registreringa
og skiftet. Av jordegods: Valestrand [Valestrand] med underliggjande Elvik [Elvik]
og Eide [Eide] - alt for 700 rdl. Runnhovde [Runnhovde] for 216 rdl. Diverse:
Handskrifter og reide pengar for 800 rdl. Av kveg på Valestrand var det
23 "stort og smått" - 57 rdl. og 3 mark. Av tinn: 16 fat, 26 tallerkner,
3 smørbrikker, 3 salsirkner (salsirken: lite fat/skål til smør,
fett, duppe o.l.), 2 halvkanner - tilsaman 2 våger og 1 pund, verdi 14
rdl. Av messing: 2 par lysestakar - 2 rdl. 2 messingbekkener - 1 rdl. og 1 mark.
1 dørslag - 1/2 rdl. 1 messingkjele - 2 mark. 1 fyrbekken - 1 rdl. 1
"schombschee" - 2 mark. 2 strykejern - 1 rdl. Av kopar: 1 kjele - 6 rdl. 1 "schideche"
kjele og 2 kvarters kjeler - ialt 6 rdl. 1 brikkefat - 5 mark. 1 fyrfat - 3
mark. 2 innvendig fortinna koparpanner med lok - 2 rdl og 2 mark. Av jernvarer:
1 flat gryte - 4 mark. 1 lita gryte - 2 mark. 1 lang steikepanne - 1 mark 4
sk. 1 rund steikepanne - 1 mark. 2 rister - 2 mark. 2 skjæringer og 1
bakstehelle - ialt 8 mark. 1 eldskyffel og 1 eldtang - ialt 1 rdl. 2 lysesakser
- 1 mark 4 sk. Av trevarer: 1 eikeseng med innlagt svart tre - 14 rdl. 1 grøn
fureseng - 3 rdl. 1 kvit fureseng - 2 rdl. 2 naglefaste furesenger - ialt 3
rdl. 3 slagbenker - 1 1/2 rdl. 1 kryssbeslått kiste - 8 rdl. 1 svart beslått
eikekiste - 4 rdl. 1 svart beslått skrin med hattefor på loket -
2 rdl. 3 mark. 1 beslått skrin med kobbeskinn på loket - 2 rdl.
1 beslått eikeskrin med ei skuffe under - 1 1/2 rdl. 1 reiseskrin med
ei skuffe under - 9 mark. 1 beslått skrin - 2 rdl. 1 Danziger skrin -
8 mark. 3 små fureskrin - 2 rdl. 4 høge lærstolar - 1 rdl.
3 grøne "Lauge" (lave) Danziger stoler - 4 mark. 1 stort måla fureskap
med 5 rom i og 5 låser - 5 rdl. 2 "Lauge" (lave) lærstoler - 1 rdl.
1 flaskefór - 1 rdl. Av linklær: 4 dreielsbordduker - 6 rdl. 2
dreielsbordduker - 2 rdl. 10 stryedreielsbordduker - 6 rdl. 1 langt fint dreielshandklede
- 4 mark. 1 par fine Kloster lerretslaken - 6 rdl. 1 par fine heimegjorte lerretslaken
- 4 rdl. 4 par lerretslaken - 10 rdl. 4 par halvslitne lerretslaken - 2 rdl.
4 par stryelerretslaken - 4 rdl. 1 par fine Kloster lerretsputevar med fine,
breie kniplingar - 6 rdl. 1 par fine putevar med breie kniplingar - 2 rdl. 2
par nye heimegjorte lerretsputevar med bindverk - 3 rdl. 5 par små putevar
- 2 rdl. 1 spegel - 8 mark. Borddukar ("Bordkleder"), benkedyner, hynder (flat/lang
pute til benk/sete) og anna: 1 raud, fin bordduk - 7 rdl. 1 grøn, kledes
bordduk - 2 rdl. 1 raud bordduk - 2 rdl. 1 broket bordduk - 1 rdl 2 mark. 4
nye Flamske hynder - 4 rdl. 4 sydde ("Syde") hynder - 3 rdl. 3 gamle hynder
- 3 mark. 2 gamle benkedyner - 1 rdl. 1 omheng til ei seng og 3 stykk blomstret
tøy med silkefrynser - 2 rdl. 1 vanleg omheng til ei seng og 3 stykk
med kappe - 8 mark. 1 taft omheng, 5 stykk og 1 sengeklede og silkefrynser -
30 rdl. Raud fløyel for 2 puter - 3 rdl. Sengklær: 2 underdyner
- 12 rdl. 3 halvslitne underdyner - 8 rdl. 3 dundyner - 14 rdl. 2 små
underdyner - 2 1/2 rdl. 2 litt slitne underdyner - 2 rdl. 2 halvslitne underdyner
- 2 rdl. 5 hoveddyner - 7 rdl. 5 halvslitne hoveddyner - 4 rdl. 2 lange olmerduks
putevar - 3 rdl. 10 små puter - 5 rdl. 1 bjørneskinn trekt med
raudt klede - 3 rdl. 1 randet sengeklede - 9 mark. 2 åklær - 10
mark. 1 kvit kvittel - 3 mark. Av avdøde sine eigne ting: Gangklær
for 63 rdl. Bøker - 16 rdl. Gevær - 16 rdl. --------- Frå
ovannemnde formue vert trekt 100 rdl., som avdøde hadde gjeve til den
umyndige dottera si, og lova at pengane skulle setjast på rente frå
den tid ho vart fødd og til ho gifte seg. Hovedstolen og forfallen rente
til no utgjer 130 rdl. Vidare vert trekt frå ein arv på 29 rdl.,
5 mark og 6 sk., som avdøde hadde motteke etter ei Ingeborg Espeland
[Ingeborg Espeland] (på vegne av kona eller dottera). Enkja si brureseng
og sengklær, er i vurderinga ovanfor verdsett til ialt 80 rdl. Men ho
får ingen støtte til gravferdskostnadene. Desse 3 punkta går
ifrå buet, som dermed sit att med ein verdi av 2298 rdl. --------- Men
ettersom ein del av formuen består av klær, hushaldsreidskap og
anna lausøyre som ikkje sånn utan vidare kan gjerast om i reide
pengar - og dottera ikkje treng noko særleg av desse tinga sidan ho framleis
er umyndig - og for at ikkje sakene berre skal stå og forfalla inntil
dottera ein gong får bruk for det, så gjorde enkja Katrine Hansdotter
- med samtykkje frå far sin og brødrene sine - den lovnad og avtale,
at for dottera Vibeke Sørensdotter sin farsarv, så vil ho betala
henne ein rund sum på 1000 rdl. i reide pengar så snart dottera
vert myndig eller gifter seg. I tillegg vil ho betala heile bryllaupet til dottera,
og attpå gje ho ei like god brureseng som hennas eiga var. Inntil dottera
vert myndig eller kjem i ekteskap, så går avtalen/lovnaden vidare
ut på at mora av sine eigne pengar skal halda dottera med hus, mat og
klede, og gje ho god opdraging og skulegong. For alt dette skal dei 1000 rdl.
stå utan rente. Dei 130 rdl. som avdøde i si tid sette til sides
for dottera, vil no mora lata stå vidare til 6 % rente, inntil dottera
vert myndig eller gift. Men skulle mora avgå ved døden før
dottera vart myndig eller gift, så skal dei nemnde lovnadene gjerast om
i ein samla pengesum, som i påsyn av myndigheit og slektningar skal plasserast
annan stad til omsorg for jenta. Og for å halda dottera skadeslaus ved
denne lovnaden, så stiller mora underpant for tilsvarande verdi i formuen
sin. Dette dokumentet er skrive ut i 2 likelydande eksemplar - korav Katrine
beheldt det eine, og dottera sine morbrødre det andre. Bergen, den 8.
juni 1670. Dokumentet underskrive av Katrine Hansdotter, Ove Jensen, Jens Hansen,
Otto Hansen, Samuel Hansen og Peder Hansen. Som vitne: Peder Andersen, Hans
Hansen, Jesper Skrøder og Gjert Dott. 30.7.1670 L
LEDINGSTING PÅ [YTRE ARNE TINGSTOVE] I [ARNE SKIPREIDE]. 1670: 16b, 17
Fut Peder Andersen [Peder Andersen]. Lagrettsmenn: Lensmann Johans Indre Arne
[Johannes Indre Arne], Anbiørn Jordal [Anbjørn Jordal], Knud Brueraas
[Knut Brurås], Ole Arnetuet [Ole Arnetveit], Johans Hoele [Johannes Hole],
Ole Fougstad [Ole Faugstad], Ole Semb [Ole Seim], Iffuer Toequamb [Iver Takvam],
Arne Toftt [Arne Tuft], Marchus Ytre Arne [Markus Ytre Arne]. Tingsaker: --1a:
Opplese kongen sitt skattebrev for 1670. --1b: Så og hans befaling om
kontroll og påskrift av bøne- og klagebrev før dei kjem
til kongen. --2: Kona til borgarmeister Peter Troel [Peter Troel], Anne Wibe
[Anna Wibe], let stevna Marite [Marta Øvreeide] - tenestejenta på
ØfreEide [Øvreeide]. Anna hadde hatt 2 av Marta sine sauer til
leige. Og utan at avtalen var oppsagt til lovleg tid (frå Marta si side)
("Tuende Smaller som hun hafde satt hinde til leye, och hinde iche i Louglig
tid oppsatt"), så hadde Marta vore og henta dei. Ho vart såleis
stevna av Anna for å ha teke smalane utan løyve. I leigetida døydde
også ein av smalane, så Marta hadde - fortsatt utan løyve,
berre funne seg ein ny frå Troel sin flokk. Marta var til stades i retten,
og kunne ikkje nekta for å ha bytt ut den døde smalen med ein ny.
Men no har fru borgarmeister fått smalane att, sa ho. Ole Raadsmann [Ole
Eidsvåg] - gardsstyrar på Eidsvåg: Han tok Marta i håret
og leidde henne ut att or smalehuset i Eidtzuog [Eidsvåg], då ho
ville ta med seg smalane. Han sa og at kona hans slo til Marta 1 gong. Marta:
Påstod det var 2 slag. Ole: Hadde det ikkje vore for at Marta var for
retten, så skulle han ha slege henne på munnen. Avgjerd: Marta tilkjent
å bøta 1 mark sølv til kongen, fordi ho av uforstand ulovleg
tok smalane. Ville Marta ha sauene sine att - og leige for dei, må ho
søkja dette hjå Troel. Ole dømt til også å betala
1 mark sølv til kongen, fordi han i retten hadde trua Marta. --3: Jørgen
Aasem [Jørgen Åsheim] tildømt å betala til Joen Arne
[Jon Arne] 4 1/2 mark i reide pengar innan 14 dagar. --4: Ole Toppe [Ole Toppe]
let stevna Tollach ibm: [Tollak Toppe] for 4 rdl. i samband med Ole si avståing
av bruket sitt på Toppe til Tollak. Av ymse grunnar ("Da formedelst sine
Aarsager...") vart Ole tilkjent berre 2 rdl. av kravet sitt, og som Tollak må
betala innan 14 dagar. 1.8.1670 L
LEDINGSTING PÅ [HOP TINGSTOVE] I [SKJOLD SKIPREIDE]. 1670: 17, 17b, 18
Fut Peder Andersen [Peder Andersen]. Lagrettsmenn: Fredrich Stene [Fredrik Stend],
Ole Hop [Ole Hop], Steffen GrimbsEid [Steffen Grimseid], Steffen Hammersland
[Steffen Hammersland], Simen Schiold [Simen Skjold], Lasse Nordaas [Lasse Nordås],
Ole Eide [Ole Eide], Niels Dyngeland [Nils Dyngeland], Ole Totland [Ole Totland],
Peder Hornes [Peder Hordnes], Vincentz Nøttuet [Vinsents Nøttveit],
Lars Søraas [Lars Sørås], Mogens Sambdal [Mons Samdal],
Ole Biørndal [Ole Bjørndal], Michel Bircheland [Mikkel Birkeland],
Arne Totland [Arne Totland], Niels Schiold [Nils Skjold], Ole Titelstad [Ole
Titlestad], Peder Hop [Peder Hop]. Tingsaker: --1a: Opplese kongen sitt skattebrev
for 1670. --1b: Så og kongen si befaling om kontroll og påskrift
av bøne- og klagebrev før kongen får desse i hende. --2:
Etter krav frå Lauritz Lauritsen Rosenberg [Lars Larsen Rosenberg] vart
kunngjort følgjande pantebrev: (utdrag) Skyldnar: Oluf Steffensen Schage
[Ole Steffensen Skage]. Kreditor: Lars Larsen Rosenberg. Lånesum og vilkår:
48 rdl. med forfall 20.9.1670. Trygd for lånet: 1.ste prioritets pant
i 1 sølvbelte på omkring 18-20 lodd, 1 koparkjele av volum 1 1/2
tønne, 1 do. do. 1 tønne. Vidare 6 kyr og 3 undersenger med 4
hoveddyner. Bergen, 1.9.1669. Vitne: Engelbricht Erichsen Buntmager [Ingebrigt
Eriksen Buntmaker] og Jan/Johan Ottesen [Jan Ottosen] [Johan Ottosen]. Ole Skage
underskreiv med sitt bumerke (s. 17b). --3: Laurs Henne [Lars Hedno] stevna
Erich Baardsen Vlsmoeg [Erik Bårdsen Ulsmåg] for ein øyrefik
Lars fekk av Erik i eit festarøl på Bircheland [Birkeland]. Far
til Erik møtte og vedgjekk Erik sitt neveslag. Erik tilkjent å
bøta 3 mark sølv til kongen. --4: Borgarmeister Offue Jensen [Ove
Jensen] på vegne av arvingane etter avdøde Søffren Nielsen
[Søren Nilsen] med stevning mot enkja etter avdøde Ibe Jacobsen
Hucheland [Ibe Jakopsen Haukeland] ved Mogens Aslachsen [Mons Aslaksen]. Sak:
11 rdl. 4 mark 10 sk. og 1 album i resterande skatt for 1668 av garden Hucheland
[Haukeland] til kongen. Michel Selgensen [Mikkel Selgensen] la fram skattemanntalet,
og viste at posten framleis stod open. Lensmann Peder Søraas [Peder Sørås]
hadde vore og kravd skatten hjå enkja. Ho vedsto seg skatteskulda, men
sa ho hadde eit motkrav på borgarmeisteren (".. haffde Regenschab met
Borgemester, .."). Avgjerd: Enkja dømt til straks å gjera opp for
seg. Og har ho motkrav på borgarmeisteren, då må ho ta dette
opp som eiga sak. --5: Mogens Aslachsen [Mons Aslaksen] stevna Baste Natland
[Baste Natland] for slagsmål mot Mons. Baste møtte for retten,
og vedgjekk å ha slege til Mons. Men grunnen var at Baste hadde funne
Mons med øks, hest og slede på ulovleg hogst i skogen hans. Dette
kunne Mons ikkje nekta for. Dei vart no forlikte, og skildest som vener. Men
Baste måtte bøta til kongen 1 mark sølv for slagsmål.
Og Mons like mykje for ulovleg skogshogst, utan at hans husbond, Niels Ørbech
[Nils Ørbech], kjende til det. --6: Rådmann Peder Hansen let stevna
Lars Mittun [Lars Midtun] for 11 rdl. i skuld til Peder. Men Lars var ikkje
til stades i retten. Hans Jensen [Hans Jensen] krov dom, og Lars vart dømt
til å betala innan 14 dagar. --7: Lars Arnesen Helleren [Lars Arnesen
Hilleren] klagde seg sterkt for retten, at husmannsplassen han budde på
aldri hadde vore taksert for landskyld, før den av siste kommisjonen
vart skyldsett til 1/2 pund. Plassen var berre ein ring husmannsplass. Den fødde
3 kyr, og hausta 1 våg havre. Likevel har Lars måtta betalt 1 rdl.
i (årleg?) grunnleige til jordeigaren. Og i tillegg over lengre tid gjeve
skatt til kongen. Ein del av lagretten stadfesta at plassen aldri tidlegare
hadde vore skyldsett. Og at Lars hittil hadde betalt meir av plassen enn det
den var god for - dette til større armod for Lars enn for andre husmenn.
2.8.1670 L
LEDINGSTING PÅ [SKOGE TINGSTOVE] I [SARTOR SKIPREIDE]. 1670: 18b, 19 Fut
Peder Andersen [Peder Andersen]. Lagrettsmenn: Oluf Hambre [Ole Hamre], Niels
Lochøen [Nils Låkøy], Willemb Worland [Vilhelm Vorland],
Jacob Hammersland [Jakop Hammersland], Mogens Waarland [Mons Vorland], Hans
Kousland [Hans Kausland], Anders Bildøen [Anders Bildøy], Vincentz
Selle [Vinsents Sæle], Rasmus Landraa [Rasmus Landro], Erich Knapschouff
[Erik Knapskog], Oluf Fielde [Ole Fjell], Anders Arefiord [Anders Arefjord],
Michel Agattnes [Mikkel Ågotnes]. Tingsaker: --1a: Opplese kongen sitt
skattebrev for 1670. --1b: Og kongen si befaling om kontroll og påskrift
av bøne- og klagebrev før desse kjem til kongen. --2: Etter krav
frå Catrine Loduigsdatter Munte [Katrine Ludviksdotter Munte] kunngjort
dette skøytet: (utdrag) Seljar: Inger Olufsdaater Worm [Inger Olsdotter
Worm] - enkja etter avdøde Jens Schielderup [Jens Schielderup], forrige
superintendant over Bergen stift. Kjøpar: Katrine Ludviksdotter Munte
- enkja etter avdøde Søren Jensen [Søren Jensen], borgarmeister
i Bergen. Jordegods: 1 1/2 våg fisk landskyld i odelsjordegods i Øffre
Galten [Øvre Golten] i Sartor sk.r., med bygsel. I tillegg eit laksevarp
under same gard - nyleg oppretta, og som etter kontrakt vert brukt av Lauridtz
Kousland [Lars Kausland] mot 2 gode laksar i årleg leiga. Bergen, 20.5.1670.
Vitne: Otte Hansen [Otto Hansen] - sokneprest til Nye Kierchen [Nykyrkja], og
Effuert Effuertsen [Edvard Edvardsen] - konrektor i Bergen. 17.8.1670 RETTSMØTE
I [SANDVIKEN] I [ARNE SKIPREIDE]. 1670: 19, 19b Retten sine menn: Lensmann Johans
Indre Arne [Johannes Indre Arne], Steffen Blindem [Steffen Blindheim], Anbiørn
Jordal [Anbjørn Jordal], Johan Aastuet [Johan Åstveit], Mogens
Sangstad [Mons Songstad], Ole Arnetuett [Ole Arnetveit], Daniel Seluig [Daniel
Selvik], Hans Jordal [Hans Jordal], Johans Eichaas [Johannes Eikås], Ifr
Toquam [Iver Takvam], Halsteen Blindemb [Halstein Blindheim], Ole Tuenes [Ole
Tunes]. Tingsak: Fut Peder Andersen let framføra for retten ei kvinne,
Karj Lauritzdatter [Kari Larsdotter], som frivillig vedgjekk å ha vore
"beligget och besoffuet" av stefar sin, Anders Olsen Setterdal [Anders Olsen
Sedal]. For 14 dagar sidan - rekna frå igår, fødde ho eit
barn, Anders [Anders Andersen], på Indre Arne [Indre Arne], der ho sat
i forvaring. Ho fastheldt at stefaren var far til barnet - ettersom ho berre
hadde vore ilag med han. Første gongen det skjedde, var heime på
garden Setterdal [Sedal] 14 dagar etter "Michels dag sidst forleden", då
ho sat i eldhuset med brødbaking. Sidan nokre gonger heime på garden,
og nokre gonger ute i marka. Og då folk merka ho var med barn, rømte
ho av frykt heimanfrå saman med stefaren. Først kom dei til ein
gard Kallestad [Kallestad] på Voss [Voss], der dei låg om natta.
Sidan for dei vidare opp til Rødland [Rødland]. Deretter rak dei
omkring i bygdelaget i 7 dagar. I mellomtida rømde stefaren frå
henne. Jenta sa ho kunne vera 18 eller 19 år gamal. Ho visste inga anna
råd no etter å ha vorte åleine, enn gje seg på veg heim
att til mor si på Sedal. Drengen Johans Johansen ØdeJord [Johannes
Johannesen Øyjord] følgde henne på heimvegen over fjellet,
ettersom ho ikkje kunne gå åleine. Same drengen - som no er i teneste
hjå mor til jenta, hadde tidlegare bede om hennas hand. Men stefaren ville
ikkje tillata noko ekteskap mellom dei. Futen ville døma jenta med ein
gong, men saka sett på vent til retten kunne få rådspørgja
seg med lagmannen. 9.9.1670 kom retten saman igjen - no på [Bergen Rådstue],
i ovannemnde blodskamsak. For si misferd vart Kari Larsdtr. dømd til
halshogging, etter Christian 4. sin Recess, side 178. Og etterpå skulle
kroppen kastast på elden og oppbrennast. Alt ho eigde skulle tilfalla
kongen. 21.9.1670 RETTSMØTE PÅ [ALVØY] I [SKJOLD SKIPREIDE].
1670: 20, 20b Retten sine menn: Lensmann Peder Smøraas [Peder Smørås],
Steffen Hammersland [Steffen Hammersland], Lasse Nordaas [Lasse Nordås],
Ole Eide [Ole Eide], Lasse Smøraas [Lasse Smørås], Ole Biøndal
[Ole Bjørndal], Niels Yttre Hop [Nils Ytre Hop]. Tingsak: Brandanus Wagener
[Brandanus Wagener] sin fullmektig stevna Arnoldus [Arnoldus] - lesemester i
Bergen [Bergen]. Saka galdt ein (husmanns)plass kalla Rambsuig [Ramsvik], som
Brandanus meinte etter ein riktig markegang låg til garden Alfføen
[Alvøy], og at korkje Arnoldus eller Lektoratet [Lektoratet] hadde noko
med plassen å gjera. I retten vart framlagt kong Christian 4. sitt brev,
der Alvøy med alt tilliggjande ved makeskifte vart overdrege til Anne
Richertzdater [Anna Richertsdotter] og hennas arvingar frå kongen - alt
til odel og eige. (Gjort før 1647) Det vart og vist til ein heimtingsdom
av forrige lesemester - no avdøde Peder Lemb [Peder Lem]. Arnoldus la
fram sitt bestallingsbrev frå kongen på at han hadde rett til å
råda over alt som låg til Lektoratet. (Skattematr. 1647 har "lesemester"
som eigar av m.a. desse gardane i Skjold sk.r.: Breivik, Drotningvik, Myr, Hilleren,
Skare, Mathopen og Hetlevik) Arnoldus ba vidare om at følgjande opplysning
vart tilføydd saka: (?) "at tilforne i førige tide er gaaet 4
Rdr aff Elffuen (Alvøy?) i S/alige Magister Rasmusis [Rasmus] tid, foruden
dend løb landschyld aff gaarden," (?). Arnoldus krov så at Christian
Berring [Kristian Berring] viste med sin bygselseddel kor mykje han gav i årleg
leiga til Alvøy av (husmanns)plassen Kongshaffn [Kongshavn]. Men Kristian
sa han var ikkje lovleg stevna. Arnoldus fortalde at no avdøde Joris
[Joris] hadde teke opp ei øydejord (ny husmannsplass?) tvers ovanfor
Kongshavn, (?) "och der Imoed formeener at wil tage ind paa Læsmesters
goedz til Wederleg, Huilchet M: Arnoldus formeente at were meere end alt det
goedtz hans Ko: Ma: har faait igien til wederleg." (?) Og foregav at han ikkje
hadde fått landskyld eller 3.dje-bygsel på 6 år av dei 3 løp
smør Lektoratet har fått i vederlag. Ei heller bygsel av dei 6
1/2 løp smør som "bygsel skal følgje." Heile følgjet
foretok så synfaring på den omstridde plassen Ramsvik. Likeså
på markstrekningen mellom Alvøy og Drotningsuig [Drotningsvik]
- dette som prov i saka. Arnoldus ville no ha fram Peder Myere [Peder Myr],
Erich Hetleuig [Erik Hetlevik] og Peder Drotningsuig [Peder Drotningvik] som
vitne. Vidare meinte han at tvistemålet burde kunna løysast av
ei 12-mannsnemnd. Dertil krov han utsetjing av saka. Og så vart heile
greia utsett til våren. 10.10.1670
HAUSTTING PÅ [FREKHAUG TINGSTOVE] I [HERDLA SKIPREIDE]. 1670: 20b, 21,
21b, 22 Fut Peder Andersen [Peder Andersen]. Lagrettsmenn: Lensmann Ole Landzuig
[Ole Landsvik], Michel Wigebøe [Mikkel Vikebø], Jeremias Wig [Jeremias
Vik], Peder Ryland [Peder Ryland], Anders Husebøe [Anders Husebø],
Lars Oen [Lars Oen], Michel Røsland [Mikkel Rossland], Magne Tuett [Magne
Tveiten], Peder Herleuer [Peder Herdlevær], Tøris ibm: [Tørris
Herdlevær], Niels Alfføen [Nils Alvheim], Anders Houland [Anders
Haugland], Jacob Koursbøe [Jakop Kårbø], Lars Siurdal [Lars
Sjurdal], Ole Kleppe [Ole Kleppe], Tomas Rong [Tomas Rong], Knud Dale [Knut
Dale]. Tingsaker: --1a: Kunngjort nokre av kongen sine forordningar. --1b: Og
kanslar/amtmann Johan Friderich Marschalch [Johan Fredrik Marskalk] sine befalingar.
--2: Enkja etter avdøde Hans Tomasen [Hans Tomassen] - byskrivar i Bergen,
krov opplese følgjande pantebrev: (utdrag) Skyldnar: Hans Christensen
Paus [Hans Kristensen Paus] - teologistudent. Kreditor: Hans Tomassen. Lånesum,
trygd og vilkår: 70 rdl. - med pant i det jordegods som vil tilfalla skyldnaren
etter hans avdøde far. Istaden for renter kunne kreditor med kone og
born fritt få råda over nemnde jordegods. Bergen, 7.12.1664. Vitne:
Christen Nielsen [Kristen Nilsen] - medtjenar og kannik til Korskierchen [Korskyrkja],
samt skyldnaren sin svoger, Anders Brussel [Anders Brussel] (gift med syster
til Hans Paus - og medarving til same jordegods). Pantebrevet utvida den 20.9.1665
med eit lån på 54 rdl. - men no til Poffuel Christensen Paus [Paul
Kristensen Paus]. Han må vera ein bror til Hans Paus, for Paul pantsette
her sin arvepart av jordegodset etter sin avdøde far. --3: Hans Hansen
Blix [Hans Hansen Blix] - sokneprest til Manger [Manger], stevna Laurs Oen [Lars
Oen], Knud Tieldstad [Knut Tjelstø] og Niels Alfføen [Nils Alvheim],
vedkomande ei sak om fisketienden til han. Lars Oen og Nils Alvheim møtte
i retten. Dei sa dei gav full fisketiende ved Bergenhus Slodtz brygge [Bergenhus
Slott] av all fisken dei fanga. Og meinte at dei ikkje burde gje tiende på
meir enn 1 plass. Hans Blix la fram ein supplikasjon (eit brev) av 1633. Vidare
framlagt lagmann Peder Raffn [Peder Ravn] si utgreiing frå 1636. Denne
siste sa Lars og Nils seg ikkje nøgd (enig) med. Dei gav uttrykk for
usemje om betalinga av denne fisketienden. Avgjerd: Retten kom til at den ikkje
kunne døma i denne saka no. Bøndene fastheldt at kvar og ein av
dei alltid har gjeve sin fisketiende ved Bergenhus av all fisken dei fanga.
Dei meinte denne ordninga skulle omfata alle - også dei sjølve,
som budde innafor ein avstand på 4 "mil" (á 11,3 km) frå
Bergen. Saka utsett til kongen si representant, samt bispen - som oppebar denne
tienden ved Bergenhus, kunne møta i retten. Likeså måtte
herredagsdomen om innkrevjing av tienden innafor dei 4 mil, finnast fram. --4:
Johan/Jan Wit/Witte [Johan Widt] [Jan Widt] av Bergen var stevna av Mogens [Mons
Hjelmen], Gregoris [Gregorius Hjelmen] og Haluor Hielmen [Halvor Hjelmen], fordi
han hindra dei i å fiska på deiras rettmessige stader. Johan møtte
for retten. Han spurde dei 3 bøndene om dei heldt fast ved stevnemålet
mot han, og det gjorde dei. Johan ville vidare vita om dei ikkje hadde "Land
och leyemaal noch for deris Landschyld foruden Waagen," (område nok for
seg sjølve, i tillegg til vågen/fjorden). Dei hadde, sa dei til
det, likså mykje som andre bønder, og ikkje noko å missa.
Johan vedgjekk å ha fått dei 9 rdl. for fisken som vart fanga med
hans not - pengar som han meinte tilkom han. For dei andre hadde kasta med deiras
eiga not, og ved salget av den fisken fekk ikkje han (som jordeigar) noko av
dette. Avgjerd: Johan måtte ikkje med sitt eige fiskebruk blanda seg bort
i hans bygselmenn på Hjelmen ("hans Landbønder") sitt fiske på
deiras område ("leigemaal"). Men skulle fisket verta så godt at
bøndene ikkje overkom alt med si not, då var Johan som jorddrott
den neste til å få fiska framføre nokon framande. Elles måtte
han ikkje slå gras på deiras bøar, eller la feet sitt beita
i marka deiras, utan at dei gav han løyve. Meinte Johan at landskylda
på garden kunne setjast høgare, måtte dette skje ved lovleg
synfaring. Av dei 9 rdl. i utbytte då dei nytta Johan si not ved seifiske
på deiras leigemål, kom retten til at Johan gav bøndene halvedelen.
For framtida burde partane dela på det når begge nøtene var
i bruk. (".. bør de at schiftte til halfnet met Jan Witte..") --5: Anders
Hougland [Anders Haugland] tilkjent å betala 9 mark til Oluff [Ole Haugland],
grannen sin. Han hadde brukt Ole sin hest, som avgjekk ved døden. --6:
Den tidlegare saka med Johans Hetleuig [Johannes Hetlevik] og drengen som han
fann drukna i sjøen og tok opp, vart utsett igjen inntil vidare. Grunnen
var at futen ikkje var tilstades i retten. --7: Magne Tuett [Magne Tveiten]
stevna Rasmus ibm: [Rasmus Tveiten]. Rasmus møtte, og tilstod å
ha kalla Magne for tjuv, fordi han ikkje hadde gjeve kongen, kyrkja og presten
tiend av 3 sk. "jordbrug" i Tuett [Tveiten]. Magne sa at gardsbruket hans i
lang tid hadde vore pålagt ei viss tiend, som han årleg hadde betalt.
Rasmus kunne ikkje prova skuldinga si. Saka i bero inntil vidare. --8: Magne
Tuet [Magne Tveiten] stevna atter Rasmus ibm: [Rasmus Tveiten] - no fordi Rasmus
hadde sloppe hesten (uvisst kven sin hest) inn i løa der kornet og høyet
til Magne låg. Av den grunn vart dette delvis øydelagt. Rasmus
vedgjekk, og vart dømd til å betala 1 mark sølv til kongen.
12.10.1670
HAUSTTING PÅ [ALENFIT SKIPREIDE] SI TINGSTOVE. 1670: 22, 22b, 23, 23b
Fut Peder Andersen [Peder Andersen]. Lagrettsmenn: Bondelensmann Lars Mundal
[Lars Mundal], Knud Midgaard [Knut Midgarden], Hans Fosse [Hans Fosse], Anders
Selleuold [Anders Selevoll], Ole Grøtuet [Ole Grøtveit], Ole Mundal
[Ole Mundal], Lars Lechnes [Lars Leknes], Omund Gieruig [Amund Gjervik], Joen
Nesse [Jon Nese], Anders Kaaberdal [Anders Kapperdal, Brynild [Brynild Kvamme],
Arne Quamme [Arne Kvamme], Gudmund Aasse [Gudmund Åse], Knud Totland [Knut
Totland]. Tingsaker: --1a: Kunngjort kongen sitt brev om "Princess in Styr"
- om utstyr og medgift i samband med ei kongsdotter sitt giftarmål. --1b:
Futen la fram for retten - og krov opplest - kopi av eit forsegla, skriftleg
klagemål, som lensmann Lars Mundal med fleire sist vår hadde gjeve
til kanslar Johan Friderich Marschalch [Johan Fredrik Marskalk]. Klagen galdt
soldatane si utrustning m.m. Futen spurde no almuen om klagemålet framleis
stod ved lag. Til det svara dei ja. Etter felles krav vart så klagen innført
i tingboka som følgjer: (utdrag) For omkring 3 veker sidan kom ein offisér
med bod frå Slottet. Alle soldatane i skipreidet skulle møta der,
kvar medbragt kost for 14 dagar. Dette til tross for at ein del budde berre
"2 1/2 - 3 - 4 Mil" (á 11,3 km) frå byen, slik at dei lengst vekk
buande kunne reisa inn på 2 dagar, og dei fleste på 1 eller 1/2
dag. For dette måtte kvar legd gje "6 á 7" mark. Nokre av soldatane
vart i tillegg lova heimatt før dei 14 dagane var til endes. Soldatane
som møtte opp på Slottet, dreiv med litt mønstring. Elles
heldt dei vakt, og bar møk. Klagen gjekk vidare ut på at forrige
år hadde alle soldatane vore inne på Slottet, for å setja
opp steingjerde. For dette måtte kvar legd gje "3 á 4" mark. I
tillegg hadde kvart legd dei siste 2 1/2 år - etter påbod frå
kapteinløytnant Poul Jensen [Paul Jensen] - måtta gje ".. til Gewehret
(geværet) 4 á 5 march, och nogle til 2 Rdr, ..". Desse pengane
hadde kapteinløytnanten sjølv teke mot. Og kvar soldat måtte
halda vakt ved Slottet 3 månader kvart år. Men dei som ville gje
pengar, slapp for 2 rdl. Dette etter soldatane si eiga skildring, som best dei
kunne forklara. Alt strevet med soldatane er no såleis falle på
almuen nesten så tungt som kongen sine skattar. Klagen gjekk også
ut på at almuen sine båtar under byføring med ved, høy
og halm for salg, i nokre år etter påbod først måtte
leggja til ved Slottet og levera varer der utan å få noko igjen.
Dette skjedde enno dagleg, trass i at almuen betalte gjengjerd, vedpengar og
fredtoll (ymse skattar) til kongen, for å vera fri for slikt bry. Heller
ikkje var det gjeve noko kongeleg forordning om at almuen skulle levera varer
vederlagsfritt til Slottet. Frå før er almuen pålagt å
betala ein årleg pengeskatt for dette - innført og fastslege i
kongen si "Ledingsbok". Og likevel vart dei plaga med slikt ekstra bry frå
Slottet si side. Dokumentet datert Bergen, 30.3.1670. --2: Jens Jensen [Jens
Jensen] av Bergen [Bergen] stevna Mogens Gieruig [Mons Gjervik] for gjeld. Men
Mons møtte ikkje. Han var ikkje lovleg stevna, så saka sett på
vent til dess. --3: Siur Berføre [Sjur Berfjord] stevna Hans Feste [Hans
Feste], fordi Hans hadde bede presten ".. hafue hans Kone paa Predichestoelen."
Hans nekta. I bero til presten kunne få seia noko til saka. --4: Baste
Lyren [Baste Lygra] stevna Ole Hansen Feste [Ole Hansen Feste]. Ole hadde sagt
til Baste at innan han skildest frå han, så skulle han ikkje eiga
meir enn som Ole fyllte sjø i ausekaret på eine sida av båten
medan han rodde, og tømde det ut att på andre sida. Ole møtte
i retten og sa at Baste hadde skjelt han ut. Baste tilstod såvidt at han
hadde kalla Ole "Hosbonds Øll" (husbondens øl), men ikkje meint
det som noko tjuvskulding. Begge vart for deiras usemje dømt til kvar
å betala 1 mark sølv til kongen. --5: Haauor Otteraas [Håvard
Odrås] tilkjent etter stevnemål å betala halv erstatning -
4 rdl. - innan 14 dagar, til sin "svoger" (i dette høvet: svigerson)
Christian Hopland [Kristian Hopland]. Håvard hadde lånt Kristian
sin båt med segl. Båten kom vekk saman med 2 av sønene til
Håvard. (Må vera Håvard, og ikkje Kristian sine søner
som var ute i båten. For elles var det vel ikkje noko lån) --6:
Haluor Mundal [Halvor Mundal] stevna Endre Semb [Endre Seim] for gjeld. Endre
møtte og tilstod vera skuldig 3 1/2 rdl. Vart dømt til å
betala innan 14 dagar. --7: Iffuer Tolleffsen [Iver Tollevsen] stevna legdsmennene
sine på Seim [Seim] for 9 mark, som dei var skuldig han for den tida han
gjekk soldat for dei. Lars Mundal [Lars Mundal] sa at Karj Semb [Kari Seim],
og Erich Kleffdal [Erik Kleivdal] på kona si sine vegne, ville betala
deiras del av kravet. Legdet dømt til å betala soldaten det dei
skulda han. --8: Jens Mogensen [Jens Monsen] på Samuel Hansen [Samuel
Hansen] sine vegne la inn stevning på Steffen Hilleland [Steffen Hilland],
fordi han ikkje hadde betalt landskyld og 3.dje-tage for 1669. Steffen møtte,
og sa at han var hjå Samuel litt før jul og baud han 1/2 rdl. av
det han skulda. Han ba samstundes om utsetjing med resten. Men Samuel ville
ikkje ta imot avdraget. I retten la no Steffen på bordet dei 3 rdl. for
1669, og ba om å få betala dei med ein gong. Jens sa han ville ikkje
ha pengane, og krov dom i saka. Avgjerd: Steffen dømt til straks å
reisa til Samuel for der å gjera opp for skulda si, eventuelt saman med
"Jule March" (Julemark: tilleggsavgift på 1 mark sølv som leiglendingen
måtte betala, dersom han ikkje leverte landskylda innan julafta) om han
vert krevd for denne. 14.10.1670
HAUSTTING PÅ [RADØY SKIPREIDE] SI TINGSTOVE. 1670: 23b, 24, 24b
Fut Peder Andersen [Peder Andersen]. Lagrettsmenn: Bondelensmann Ole Wetaas
[Ole Vetås], Siur Daland [Sjur Dalland], Mogens Hoele [Mons Hole], Lasse
Hucheland [Lasse Haukeland], Gunder Nøttuet [Gunder Nøttveit],
Steffen Sebøe [Steffen Sæbø], Mogens Manger [Mons Manger],
Mogens Qualem [Mons Kvalheim], Anders Houland [Anders Haugland], Erich Bøe
[Erik Bø], Johans Nøtuet [Johannes Nøttveit], Rasmus Giere
[Rasmus Gjerde], Johans Helleland [Johannes Helland], Joen Soelem [Jon Solheim],
Ole Soltuet [Ole Soltveit], Matis Qualem [Matias Kvalheim], Niels Olsuol [Nils
Olsvoll]. Tingsaker: --1a: Kunngjort kongen sitt brev om "Princessin Styr" -
om utstyr og medgift i samband med ei kongsdotter sitt giftarmål. --1b:
Futen la fram for retten - og krov opplest - kopi av eit forsegla, skriftleg
klagemål, som lensmann Ole Vetås med fleire sist vår hadde
gjeve til kanslar Johan Fredrik Marskalk. Klagen galdt soldatane si utrustning
m.m. Futen spurde no lagretten og almuen om klagemålet framleis stod ved
lag. Til det svara dei ja. Etter felles krav vart så klagen innført
i tingboka. Utdrag av dokumentet er å finna under
HAUSTTINGet 12.10.1670 for Alenfit sk.r. --2: Ole Erichsen Wildanger [Ole Eriksen
Villanger] stevna Ole ibm: [Ole Villanger], fordi han sette meir fe på
beite i deiras felles mark enn det hans eige leigemål kunne tola. Ole
sitt bruk var på 1/2 løp smør, og han hadde 18 fe gangandes
på beitet. Bruket til Ole Eriksen var på 1/2 løp og 18 merker
smør. Men han sette berre 12 fe på beitet. Ole møtte, og
sa han berre hadde 16 fe på beite i "Haugen". Avgjerd: Ole fekk beskjed
om ikkje å ha meir fe på beite i deiras felles mark enn hans eigen
part kunne tola. Men viste det seg at beitet gav gras nok til fleire fe, då
skulle det føretakast synfaring av ei nemnd. --3: Hans Blix [Hans Blix]
stevna Torben Lunde [Torbein Lunde] og Ole Quame [Ole Kvamme] for resterande
avgift av deiras bruk. Torbein vedgjekk å vera skuldig 1/2 tønne
i landskyld for 1669, og som han straks ville betala. Men han var ikkje skuldig
noko 3.dje-tage. Ole sa han var skuldig 1 pund smør, og for malt 4 mark,
i landskyld for 1669. I tillegg 4 mark i 3.dje-tage. Han baud seg å betale.
Begge vart dømde til å gjera opp for seg. --4: Brukarane på
Nord Wetaas [Nore Vetås] vart stevna av Knud Soltuet [Knut Soltveit],
fordi dei sette hans "Schyd" (må vera eit husdyr) inn i deiras hus, slik
at det døydde. Siur [Sjur Vetås] og Endre Wetaas [Endre Vetås]
møtte, og tilstod at "Schydet" vart sett i hus for ei natt og ein dag.
Men dei la ikkje hand på det i vond meining. Då dei jagde dyret
ut att or huset, la det seg ned for å døy attmed garden. Avgjerd:
Kvar av dei 2 partane dømt til å erstatta halve verdien, på
det viset at dei 2 på Vetås betalte for halv skade 1 rdl. til Knut
innan 14 dagar. 17.10.1670
HAUSTTING PÅ [LINDÅS SKIPREIDE] SI TINGSTOVE. 1670: 24b, 25, 25b,
26, 26b Fut Peder Andersen [Peder Andersen]. Lagrettsmenn: Bondelensmann Iffr
Fammestad [Iver Famestad], Christian Mogensløb [Kristian Monslaup], Gudmund
Qualuog [Gudmund Kvalvåg], Berie Oenes [Berge Ones], Helge Houge [Helge
Hauge], Haauor Berge [Håvard Berge], Hans Qualuog [Hans Kvalvåg],
Johans ibm: [Johannes Kvalvåg], Omund Hunduen [Amund Hundvin], Ole Groff
[Ole Grov], Iffr Wig [Iver Vik], Mogens Tuett [Mons Tveiten], Rasmus Qualuog
[Rasmus Kvalvåg]. Tingsaker: --1a: Kunngjort kongen sitt brev om "Princessin
Styr" - om utstyr og medgift i samband med ei kongsdotter sitt giftarmål.
--1b: Futen la fram for retten - og krov opplest - kopi av eit forsegla, skriftleg
klagemål, som lensmannen og nokre lagrettsmenn sist vår hadde gjeve
til kanslar Johan Fredrik Marskalk. Klagen galdt soldatane si utrustning m.m.
Futen spurde no lagretten og almuen om klagemålet framleis stod ved lag.
Til det svara dei ja. Etter felles krav vart så klagen innført
i tingboka. Utdrag av dokumentet er å finna under
HAUSTTINGet 12.10.1670 for Alenfit sk.r. --2: Lytich (Lyteche, Lyche, Lykke)
Hansen [Lytich Hansen] - sokneprest til Lindås, krov opplese eit arveskiftebrev
(utdrag) etter avdøde Ingeborg Lykkisdatter [Ingeborg Lytichsdotter Busch].
Ho var gift med Peder Busch [Peder Busch] - den neste soknepresten til Lindås.
Dei hadde 4 umyndige born i 1667: Fredrich [Fredrik Busch], Lisbeth [Lisbet
Busch], Anne [Anna Busch], og Femme [Femme Busch]. Arven utgjorde 1/2-delen
av Ingeborg og Peder si eiga. Denne bestod for det meste av inventar, klede,
lausøyre og utstyr m.m., verdsett til kring 2000 rdl. Av dette tilkom
Peder ein halvedel, og resten fordelt på borna slik: Sonen sin part 400
rdl. Kvar av døtrene 200 rdl. Peder løyste ut borna sine partar
av arvetinga i pengar. Sidan borna enno var umyndige, skulle Peder ha dei ialt
1000 rdl. ståande hjå seg utan rente. Men flytte ein eller fleire
av dei ut or heimen, vart kvar sin arvepart å forrenta med 6 % så
lenge pengane stod hjå Peder. Til trygd for desse låna sette Peder
alt han eigde i 1.ste prioritets pant. Inntil borna vart 18 år, skulle
Peder syta for deiras underhald og skulegang av sine eigne midlar. Borna sine
tilsynsmenn: Faren Peder, Peder sin svigefar, Lytich Hansen, samt Jacob Busch
[Jakop Busch] - busett i Engesund [Engesund]. Qualuognes [Kvalvågnes],
19.11.1667. Vitne: Niels Loss [Nils Loss] - busett i Kilstrøm [Kjilstraumen].
Han var bror til svigermor til Peder. Ifuer Busch [Iver Busch] - borgar i Bergen
[Bergen], men busett i Sundfiord [Sunnfjord]. Ifuer Fammestad [Iver Famestad]
- lensmann i Lindås sk.r. Knud Schouge [Knut Skauge] - lagrettsmann same
plass. --3: Niels Loss [Nils Loss] stevna Ole Risøen [Ole Risøy],
fordi han utan lov hadde fjerna ein kjele frå huset sitt. Kjelen var nemleg
pantsett til Peder Finde [Peder Finne] for 5 1/2 rdl. og 4 mark. Ole møtte,
og tilstod. Han forklarte det med at han hadde betalt ned på gjelda. Avgjerd:
Kjelen skulle vera der den var, inntil Ole hadde betalt til Peder det den var
pantsett for. --4: Niels Loss [Nils Loss] på vegne av Peder Finde [Peder
Finne] stevna Oluff Risøen [Ole Risøy], fordi han hadde selt eit
hus som stod på bruket. Ole tilstod å ha selt huset for 6 rdl.,
men bygt opp eit anna i staden for - til 10 rdl. Saka sett opp til synfaring
på åstaden. --5: Christian Mogensløb [Kristian Monslaup]
stevna Mogens [Mons Synnevåg] og Lars Sønneuog [Lars Synnevåg].
Dei hadde fått låna hesten til Kristian, for å kjøyra
møk. Og så døydde hesten. Mons og Lars var tilstades i retten.
Dei hadde brukt hesten. Men etterpå slapp dei den laus i marka, kor den
døydde. Dei meinte ansvaret for hesten då var over for deiras del.
Avgjerd: Av hesten sin verdi på 9 mark, vart eigaren og brukarane dømde
til å betala kvar sin halvpart. --6: Erich AarAas [Erik Årås]
stevna Iffr Wig [Iver Vik] for ei gjeld på 2 rdl., som Iver vedgjekk.
Iver dømd til å betala. 19.10.1670
HAUSTTING PÅ [HALSVIK TINGSTOVE] I GULEN SKIPREIDE]. 1670: 26b, 27, 27b,
28 Fut Peder Andersen [Peder Andersen]. Lagrettsmenn: Lensmann Claus Molde [Klaus
Molde], Erich Risnes [Erik Risnes], Jens Østgulen [Jens Austgulen], Jacob
Opdal [Jakop Opdal], Iffr Fosdal [Iver Fausdal], Lars Klefftuet [Lars Kløvtveit],
Joen Høeuig [Jon Høyvik], Mogens Westeuig [Mons Vestervik], Joen
Killinguold [Jon Kjellevoll], Johans Høeuig [Johannes Høyvik],
Hans Grinnen [Hans Grinde], Siur Moldland [Sjur Molland], Ole Hougsdal [Ole
Haugsdal], Aslach Steene [Aslak Steine], Jørgen Myre [Jørgen Myre],
Johans Dale [Johannes Dale], Joen ibm: [Jon Dale]. Tingsaker: --1a: Kunngjort
kongen sitt brev om "Princessin Styr" - om utstyr og medgift i samband med ei
kongsdotter sitt giftarmål. --1b: Futen la fram for retten - og krov opplest
- kopi av eit forsegla, skriftleg klagemål, som lensmann Klaus Molde samt
nokre lagrettsmenn sist vår hadde gjeve til kanslar Johan Fredrik Marskalk.
Klagen galdt soldatane si utrustning m.m. Futen spurde no lagretten og almuen
om klagemålet framleis stod ved lag. Til det svara dei ja. Etter felles
krav vart så klagen innført i tingboka. Utdrag av dokumentet er
å finna under
HAUSTTINGet 12.10.1670 for Alenfit sk.r. --2: Ellj [Eli Fix] - kona til Christen
Søffrensen Fix [Kristen Sørensen Fix], spurde i retten Joen Dale
[Jon Dale] og Johans ibm: [Johannes Dale] om det ikkje var så at dei 2,
samt grannane deiras, hadde gjeve henne og mannen lov til å setja opp
bustadhus ("Huse och Werelser") på deiras almenning, Dalsøer [Dalsøyra].
Dei tilspurde stadfesta at huset - slik som det no var bygt, kunne stå.
Men vilkåret var at brukarane på Dale og andre rettshavarar framleis
fekk ha fri tilkomst til området, som etter oppsette merkesteinar var
deiras almenning. --3: Iffr [Iver Krossvoll] og Einer Korsuold [Einar Krossvoll]
stod fram for retten og ba om tingsvitne (almue og lagrett sitt vitnemål).
Sist vinter hadde eit stort skred teke alle husa til Iver, samt Einar si løe
med deiras høy og korn. I tillegg hadde ein flaum for 3 dagar sidan gjort
stor skade på jorda. Dei fekk vitnemål på ulukkene sine. --4:
Ole Stor Matre [Ole Store Matre] og Ole ibm: [Ole Store Matre] ba sameleis om
tingsvitne på at tidleg om morgonen jonsokdag sist sommar, så brann
husa på garden deiras ned - og alt dei eigde for også med i vådeelden.
Det som stod att, var løa og smalehuset. Dei og fekk stadfesting på
skadeverket. --5: Futen let atter ein gong stevna Anne Olsdatter Sande [Anna
Olsdotter Sande] og Karj Josepsdatter [Kari Josefsdotter] i samband med det
barnet som ein av dei skulle ha fødd. Sjå under l
LEDINGSTINGet 25.7.1670 for Gulen sk.r., der saka forrige gong var oppe. Futen
spurde no Anna kor lenge sidan det var at ho skulle ha lege i barselseng for
Kari. Anna svara det kunne ha vore for 10 år sidan. Merknad: Dei vidare
forklaringane er litt vanskeleg å finna samanhang i. Tingbokteksten seier
ikkje alle stader heilt klårt kven som sa og gjorde kva. Difor er kvart
avsnitt i historien her merkt med eit kryss, for å markera ein manglande
samanhang med framhaldet. Anna forklarte vidare: X: Barnet vart fødd
i floren. Berre mannen hennar (kven sin?) var til stades. Det såg ho (Anna?)
då ho stelte dyra (".. huilchet hun saae da hun Røgte feet ..").
X: Dei (kven av dei?) hadde barnet hjå seg i floren i 1 1/2 dag. X: Likevel
hadde Kari barnet hjå seg inntil Søgnj Sande [Sygni Sande] - syster
til Kari - kom for å sjå til barnet. Det vart då bore inn
i stova. X: Deretter vart Anna trua av mannen sin til å leggja seg i barselsenga,
som om ho sjølv nett hadde fått barn. Ho måtte også
seia til grannane at det var ho som hadde fødd barnet. X: Anna hadde
barnet hjå seg i "halftt tredie" år, før ho sette det bort
til Kari si syster, Sygni. Der hadde barnet vore sidan - og var enno. X: Sidan
gjekk det rykte på bygda. X: "År og dag" etter barnet var fødd,
tok Sygni og putta det mellom stakken og kroppen hennas (kven sin?) ovantil,
for deretter å ta det ut att nedan under stakken. X: Anna fekk spørsmål
kvifor ho ikkje hadde nemnt denne saka då sorenskrivar og lensmann m.fl.
i 1666 heldt arveskifte etter den avdøde mannen hennar. Ho hadde den
gong utgjeve barnet som sitt eige ektefødde. Anna sa at ingen hadde spurt
henne om dette. X: Jacob Oppedal [Jakop Opdal] forklarte i retten at for omkring
3 år sidan var han og lensmann Ole Østgulen [Ole Austgulen] hjå
Anna. Dei hadde då spurt henne ut om denne saka, som det gjekk rykte om
i bygda. Men Anna ville korkje vedgå eller nekta. X: Mannen til Sygni
Sande ba om orsaking for at kona ikkje kunne møta i retten, då
ho var sjuk. X: Kari Josefsdotter sa at ho såg seg ganske fri og skuldlaus
i dette stevnemålet. Futen krov saka utsett til neste ting. --6: Ellj
Laursdater Rutledal [Eli Larsdotter Rutledal] stevna Joen Grinde [Jon Grinde]
for eit sølvbelte verdt 6 1/2 rdl., 4 rdl. i reide pengar, samt 1 børse
(gevær) til 9 mark. Jon møtte ikkje, endå han hadde vore
stevna 2 gonger før for dette. Lensmann Claus Molde [Klaus Molde] og
Peder Norgulen [Peder Nordgulen] stadfeste for retten at Jon hadde fått
desse tinga som tilhøyrde jenta. Ho hadde opprinneleg levert dei til
Jon sin son, Jetmund Joensen [Jetmund Jonsen Grinde], ettersom han hadde vilja
ha henne til ekte. Men då Jetmund var i Kongen si teneste, hadde han bede
far sin levera sakene attende til jenta. Dette hadde han då ikkje gjort.
Han hadde sett beltet i pant hjå Lars i Smuget [Lars i Smuget] i Bergen
[Bergen]. Og børsa i pant hjå Joen Dale [Jon Dale]. Avgjerd: Jon
Grinde dømt til innan 14 dagar å betala til jenta for beltet, børsa
og dei 4 rdl. 21.10.1670
HAUSTTING PÅ [EIKANGER SKIPREIDE] SI TINGSTOVE. 1670: 28, 28b, 29 Fut
Peder Andersen [Peder Andersen]. Lagrettsmenn: Lensmann Mogens Essemb [Mons
Eidsheim], Ole Fyllinge [Ole Fylling], Knud Quinge [Knut Kvinge], Magne Echnes
[Magne Eknes], Christian Ascheland [Kristian Askeland], Ole Echanger [Ole Eikanger],
Børge Jordal [Berge Jordal], Ifr Hindenes [Iver Hindenes], Aschel Ascheuig
[Askild Askvik], Mogens Eye [Mons Eide], Anders Hindenes [Anders Hindenes].
Tingsaker: --1a: Kunngjort kongen sitt brev om "Princessin Styr" - om utstyr
og medgift i samband med ei kongsdotter sitt giftarmål. --1b: Futen la
fram for retten - og krov opplest - kopi av eit forsegla, skriftleg klagemål,
som lensmannen og nokre lagrettsmenn sist vår hadde gjeve til kanslar
Johan Fredrik Marskalk. Klagen galdt soldatane si utrustning m.m. Futen spurde
no lagretten og almuen om klagemålet framleis stod ved lag. Til det svara
dei ja. Etter felles krav vart så klagen innført i tingboka. Utdrag
av dokumentet er å finna under
HAUSTTINGet 12.10.1670 for Alenfit sk.r. --2: Inger Røe [Inger Rød]
stevna kona til Niels ibm: [Nils Rød], fordi ho hadde teke ei rive frå
henne og slege til henne med den nokre gonger. Nils møtte, og tilstod
at kona hans hadde skubba til Inger. Mogens NerAas [Mons Nedreås] prova
at han såg Inger var blodig, men kvar dette hadde skjedde, visste han
ikkje. Anders Hindenes [Anders Hindenes] prova det same. Avgjerd: Nils Rød
tilkjent å bøta på kona sine vegne 1/2 mark sølv til
kongen. --3: Men det var ikkje slutt på ufreden på Rød med
dette. Ovannemnde Nils Rød og den andre grannen, Niels ibm: [Nils Rød],
tilliks med enkja Inger - også nemnd ovanfor, låg dagleg i krangel
med kvarandre. Det var ikkje berre mellom dei innbyrdes, men også borna
og folket deiras var dregne inn i denne vondskapen. Men no fekk dei i retten
her ei klar åtvaring. Dersom dei ikkje no frå denne dag vart forligte
som det sømer seg kristelege naboar og grannar, då vil dei verta
straffa på hardaste måte til skrekk og åtvaring for andre
som ikkje kan forlikast. --4: Bispen stevna følgjande for resterande
avgifter: (Namn/vedgjekk å vera skuldig) Niels Weeland [Nils Veland] -
3 riksdalar i landskyld for 1668-69-70. Iffr Echanger [Iver Eikanger] - 9 mark
i landskyld for 1669. Johans Weland [Johannes Veland] - 3 1/2 rdl. i 3.dje-take
for 1668-69-70. Avgjerd: Alle måtte gjera opp for seg innan 14 dagar.
--5: Ole [Ole Øvreås] og Oluf Øfreaas [Ole Øvreås]
stevna oppsitjarane på Weeland [Veland], fordi desse skal ha sett hundane
sine på 3 av deiras kalvar, og jaga dei til døde. Iffr Hindenes
[Iver Hindenes] og Christian Ascheland [Kristian Askeland] hadde sett kalvane
der dei låg døde. Dei tiltalte meinte påstanden burde provast.
Avgjerd: Oppsitjarane på Veland dømt til å betala halv skadebot
for kalvane, 1 rdl., innan 14 dagar. --6: Ole Joensen [[Ole Jonsen Nottveit]
og Ole Matisen Nøtued [Ole Matiassen Nottveit] søkte tingsvitne
på - og fekk det stadfest av lagrett og almue - at hus (fleire enn eitt)
og løe (-r), med unnatak av 1 ein liten flor, på deiras gard Nottveit
om natta ein månad før jul i 1669 brann ned til grunnen. Ingenting
vart berga, utanom bufeet deiras. 24.10.1670
HAUSTTING PÅ [HOSHOVDE TINGSTOVE] I [HOSANGER SKIPREIDE]. 1670: 29, 29b,
30 Fut Peder Andersen [Peder Andersen]. Lagrettsmenn: Lensmann Mogens Mieldstad
[Mons Mjelstad], Torchel Aasem [Torkild Åsheim], Magne Hanistued [Magne
Hanstveit], Niels Hoele [Nils Hole], Gulich Nordaas [Gullik Nordås], Peder
Wahre [Peder Vare], Haluor Blegelj [Halvor Bleikli], Peder Øffsthus [Peder
Øvsthus], Lars ibm: [Lars Øvsthus], Ole Litland [Ole Litland],
Johans [Johannes Hoshovde] og Johans Hoshoffde [Johannes Hoshovde], Niels Øffsthus
[Nils Øvsthus], Anders Wea [Anders Veo]. Tingsaker: --1a: Kunngjort kongen
sitt brev om "Princessin Styr" - om utstyr og medgift i samband med ei kongsdotter
sitt giftarmål. --1b: Futen la fram for retten - og krov opplest - kopi
av eit forsegla, skriftleg klagemål, som lensmannen og nokre lagrettsmenn
sist vår hadde gjeve til kanslar Johan Fredrik Marskalk. Klagen galdt
soldatane si utrustning m.m. Futen spurde no lagretten og almuen om klagemålet
framleis stod ved lag. Til det svara dei ja. Etter felles krav vart så
klagen innført i tingboka. Utdrag av dokumentet er å finna under
HAUSTTINGet 12.10.1670 for Alenfit sk.r. --2: Erich Houge [Erik Hauge] stevna
Haauor Rachnes [Håvard Raknes] for 2 riksdalar, som han sat inne med av
hans arv. Håvard møtte, og sa seg ukjend med saka. Men sa vidare
at det skulle ha vore usemje om dette før han vart gift med kona si,
som her måtte vera den rette å krevja gjelda hjå. Saka vart
utsett til neste ting, for at borna sine formyndarar, Ole Aasem [Ole Åsheim]
og Joen Fieldschaal [Jon Fjellskål] kunna møta i retten, for å
gje ei forklaring. --3: Oluff Hougstuet [Ole Haugstveit], Oluf Totland [Ole
Totland], Mogens Mieldstad [Mons Mjelstad], og Anders Teppestad [Anders Tepstad]
stevna Johans Saugmester [Johannes Sagmester] på Tøsøen
[Tysse], fordi han budde - og dreiv sagbruk ("Saughandel") - på deiras
grunn og eigedom Tysse. Knud Tøsøen [Knut Tysse] møtte
på vegne av Johannes Sagmester, og sa han var forlikt med Ole Haugstveit
om 1 riksdalar. Retten meinte, at om lotteigarane fekk skade på eigedomen
sin, då skulle saka stevnast inn på åstaden, for der å
dømast. --4: Ole Dyrdal [Ole Dyrdal] stevna Niels Gietremb [Nils Geitrem]
for noko arvegods som Nils hadde hjå seg, og som tilhøyrde Ole.
Nemleg: 1 kjele, 2 "Saaer" (Så: stort, lagga kar, mest til bryggjing eller
barking), 1 "børe" (?), 2 tønner korn, 1 "Tesach" (Tessak: sverd,
kort sabel), 1 jarnhelle, 6 smalar, og leiga av 3 kyr i 3 år. Nils møtte,
og sa at kjelen, som stod i eldhuset hans, vart stolen frå han 3 år
etter arveskiftet skjedde. Hans Gietremb [Hans Geitrem] sa, at av kjelen sin
verdi på 16 mark, så tilkom Ole 1 riksdalar ".. til forbedring paa
en Klede Trøye, ..". Resten av kjelen sin verdi var delt med ein halvpart
på Ole, medan den andre halvedelen tilhøyrde kona til Nils. Forøvrig
var kjelen pantsett for skuldig tiend 5 1/2 rdl. på det tidspunkt den
vart stolen. Partane vart i retten forlikte - og tok kvarandre i nevane på
det. Ole skulle for heile kravet sitt få betalt med 1 god ku eller 3 rdl.
av Nils. I tillegg skulle Ole få retten til (".. were følgagtig
..") 4 av smalane, dei 2 såene, "børen" og tessaken. Og deiras
mellomverande skulle såleis no vera oppgjort for godt. 26.10.1670
HAUSTTING PÅ [REIGSTAD TINGSTOVE] I [MJELDE SKIPREIDE]. 1670: 30b, 31,
31b, 32 Fut Peder Andersen [Peder Andersen]. Lagrettsmenn: Lensmann Elling Burcheland
[Elling Burkeland], Mogens Restad [Mons Reigstad], Ole Borge [Ole Borge], Ole
Watle [Ole Vatle], Anders Øffste Mielde [Anders Øvste-Mjelde],
Anders Riffuenes [Anders Rivenes], Fabians Mitmielde [Fabian Midt-Mjelde], Mogens
Hafre [Mons Havre], Erich Restad [Erik Reigstad], Oluff Weffle [Ole Vevle],
Rasmus Blomb [Rasmus Blom], Fabians ibm: [Fabian Blom], Rasmus Ascheland [Rasmus
Askeland]. Tingsaker: --1a: Kunngjort kongen sitt brev om "Princessin Styr"
- om utstyr og medgift i samband med ei kongsdotter sitt giftarmål. --1b:
Futen la fram for retten - og krov opplest - kopi av eit forsegla, skriftleg
klagemål, som lensmannen og nokre lagrettsmenn sist vår hadde gjeve
til kanslar Johan Fredrik Marskalk. Klagen galdt soldatane si utrustning m.m.
Futen spurde no lagretten og almuen om klagemålet framleis stod ved lag.
Til det svara dei ja. Etter felles krav vart så klagen innført
i tingboka. Utdrag av dokumentet er å finna under
HAUSTTINGet 12.10.1670 for Alenfit sk.r. --2: Etter krav frå Johans Halleland
[Johannes Halland] opplese eit gavebrev som følgjer: (utdrag) Lagrettsmann
Johannis Iffuersen Halleland [Johannes Iversen Halland] - busett på garden
Halland [Halland] i Mjelde sk.r. og nyleg gift med Marite Mogensdatter [Marta
Monsdatter], gjer herved kjent for alle at den av oss 2 ektefolk som lever lengst,
skal arva følgjande eignelutar: 1 sølvbelte på 24 lodd,
1 Agnus Dei kjede (halssmykke med motiv av Kristus som lammet med korset), 1
sølvskei, 1 kjele av romstorleik 1 tønne, 1 kiste med lås,
og 1 tinnfat. I brevet vart også nemnt eit nyleg levandefødd barn,
men død kort tid etter. Ingen fleire barn forøvrig i dette ekteskapet,
sidan det vart sett opp gavebrev. Brevet måtte ikkje koma i konflikt med
Kongen si lov A: B:, 22. kap., om tiend og fjerdingsgåve. Men brevet skulle
gå framføre buet til den først avdøde, og denne sine
arvingar elles. Likeeins skulle begge deiras arvingar heilt og fullt følgja
gavebrevet sin ordlyd. Reigstad, 26.10.1670. Til vitne er ført sorenskrivar
Hans Hansen [Hans Hansen] og lensmann Elling Burcheland [Elling Burkeland].
--3: Knud Reffuem [Knut Revheim] stevna Michel Schiestad [Mikkel Skistad], for
å ha skjelt ut kona til Knut. Mikkel møtte, og nekta for dette.
Oluf Iffrsen (Revheim?) [Ole Iversen] var stevna som vitne. Han og Knud Bircheland
[Knut Birkeland] hadde høyrt Mikkel skjella ut Marite [Marta] - kona
til Knut Revheim, for ei hore og "Teche" (Tekke: vaksen hosau). Dette skjedde
no sist sommar. Knut Birkeland prova at han hadde høyrt kona til Knut
Revheim snakka til Mikkel Skistad om at "Gierdsgaarden" (gjerdesgard: gjerde
mellom inn- og utmark) ikkje var i skikkeleg stand. Vidare skal ho ha sagt at
når gjerdet var iorden, då skulle Skistad-folket "iche bære
saa mange børe bort som ellers er scheed, ..". Dertil skulle Mikkel ha
svart at ho laug som ein "V-dyd". Avgjerd: Mikkel vart bøtelagt med ein
1/2 mark sølv til kongen. --4: Tosten Hoffden [Torstein Hovden] stevna
Anne Schiestad [Anna Skistad] for 2 riksdalar og 3 mark. Men då Torstein
vart spurt kvifor han krov henne for desse pengane, så visste han ikkje.
Anna møtte, og sa seg ikkje vera skuldig han noko. Simen Gierestad [Simen
Gjerstad] og Mogens Gierestad [Mons Gjerstad] prova at for omlag 8 år
sidan vart Torstein og no avdøde Østen Schiestad [Øystein
Skistad] - Anna sin ektemann - forlikte på tinget. Torstein skulle då
gjera opp med Øystein for det Torstein var skuldig han - nemleg 1 våg
korn og 8 skilling. Men samstundes nemnde ikkje Torstein noko om at han hadde
eit motkrav på Øystein. Torstein stadfesta for retten at nemnde
korn og pengar var betalt til Øystein. Avgjerd: Anna Skistad skal vera
fri for Torstein sin tiltale, etterdi han ikkje kunne prova kravet sitt. --5:
Bispen stevna følgjande for skuldig avgift: (Namn/vedgjekk å vera
skuldig) Rasmus Restad [Rasmus Reigstad] - 2 rdl. i landskyld for 1669. Haluor
Erstad [Halvor Erstad] - 6 rdl. i 1.ste-bygsel. Joen ibm: [Jon Erstad] - 7 1/2
mark i landskyld for 1669. Anders [Anders Småland] og Aschild Smaaland
[Askild Småland] møtte ikkje. Avgjerd: Dei vart dømde til
å betala det dei skulda. --6: Tomas Christensen [Tomas Kristensen] stevna
følgjande for gjeld: (Namn/vedgjekk å vera skuldig) Gudmund Sundland
[Gudmund Sundland] - 4 rdl. og 1 mark. Aschild Kleffland [Askild Kleiveland]
- 10 1/2 mark. Baste Burcheland [Baste Burkeland] - 1 rdl. For dette hadde Tomas
1 tinnfat i pant. Oluf Schiestad [Ole Skistad] - 16 rdl., korav han nyleg hadde
betalt 4 1/2 rdl., og restar no 11 1/2 rdl. Mogens Blomdal [Mons Blomdal] -
6 rdl. og 8 sk. Oluf Rasmusen Rødland [Ole Rasmussen Rolland] - 4 rdl.
Rasmus Restad [Rasmus Reigstad] - 2 mark. Avgjerd: Sidan dei no for retten har
tilstått å vera skuldig, så burde dei og betala. --7: Niels
Rongued [Nils Rongved], Elling [Elling Rongved] og Oluff ibm: [Ole Rongved]
vart alle tilkjent kvar å betala 1 riksort til Nils Bruduig [Nils Bruvik]
innan 14 dagar. Dei hadde brukt "hans hors .." (Hors = hoppe) utav lov. 28.10.1670
HAUSTTING PÅ [YTRE ARNE TINGSTOVE] I [ARNE SKIPREIDE]. 1670: 32, 32b,
Fut Peder Andersen [Peder Andersen]. Lagrettsmenn: Lensmann Johans Indre Arne
[Johannes Indre Arne], Mogens Sangstad [Mons Songstad], Ole Arnetuet [Ole Arnetveit],
Anders Hoele [Anders Hole], Joen Romsloe [Jon Romslo], Knud Brueraas [Knut Brurås],
Johans Eikaas [Johannes Eikås], Ole Tuenes [Ole Tunes], Arent Toftt [Arent
Tuft], Ole Faugstad [Ole Faugstad], Haluor Rombsloe [Halvor Romslo], Ole Bouge
[Ole Boge], Halsteen Blindem [Halstein Blindheim]. Tingsaker: --1a: Kunngjort
kongen sitt brev om "Princessin Styr" - om utstyr og medgift i samband med ei
kongsdotter sitt giftarmål. --1b: Futen la fram for retten - og krov opplest
- kopi av eit forsegla, skriftleg klagemål, som lensmannen og nokre lagrettsmenn
sist vår hadde gjeve til kanslar Johan Fredrik Marskalk. Klagen galdt
soldatane si utrustning m.m. Futen spurde no lagretten og almuen om klagemålet
framleis stod ved lag. Til det svara dei ja. Etter felles krav vart så
klagen innført i tingboka: (utdrag) Lensmann Johans Indre Arne [Johannes
Indre Arne], Anbiørn Jordal [Anbjørn Jordal] og Halsten Rødland
[Halstein Rødland] skriv i klagemålet, at for omkring 3 veker sidan
var ein offisér ved namn Abraham [Abraham] heime i skipreidet. Han befalte
at alle soldatane skulle koma inn på Slottet, kvar med kost for 14 dagar.
For dette måtte kvart legd gje 7 mark i pengar. Mogens Staffuenes [Mons
Stavenes] slapp innkallinga, då han var i byen. Ein del av soldatane var
inne i dei 14 dagane. Likevel vart nokre lova heimatt før tida var til
endes. Dei som var inne på Slottet, dreiv med litt mønstring, vakthald,
og innimellom bar dei møk. Legdsmennene vart nermast tvinga til å
betala desse soldatane. I tillegg hadde nokre legd dei siste åra gjeve
"til gewehret 3 - 4 - 7 á 8 mark". Alle desse småsummane tilsaman
fall almuen nesten så tunge å klara som skatten til kongen. Så
måtte kvar soldat halda vakt 3 månader kvart år. Men den som
ville verta fri, slapp for 2 rdl. Forøvrig var også soldatane i
dette skipreidet inne på Slottet sist år, for å mura steingjerde.
For dette måtte kvart legd gje 3 mark, jamvel om dei fleste soldatane
kunne nå inn til Slottet på mellom ein halv og ein heil dag. Og
dei lengst vekk buande på halvannan dag når veret var godt. Sjå
forøvrig utdrag av det opprinnelege dokumentet, og som er å finna
under
HAUSTTINGet 12.10.1670 for Alenfit sk.r. --2: Futen stevna Brynild Waxdal [Brynild
Vaksdal], fordi han med vilje og forsett hadde rive opp og opna døra
i tingstova. Futen hadde befalt at døra skulle vera attlukka. Grunna
tiltalte sin fattigdom, fekk han ettergjeve bota på 2 rdl. til kongen.
--3: Peder Arne [Peder Arne] var innstevna på grunn av ulyd på tinget.
Son hans ba om orsaking for at faren ikkje kunne møta, då han var
sjuk. --4: Samuel Hansen [Samuel Hansen] stevna Baard Mellingen [Bård
Mellingen] for resterande landskyld. Bård sa seg vera skuldig 10 1/2 mark
i landskyld for 1669. Han hadde bydd Samuel pengane for 2 dagar sidan, men då
ville han ikkje ta imot dei. Bård dømt til å betala landskylda.
--5: Tomas Christensen [Tomas Kristensen] av Bergen [Bergen] stevna følgjande
for gjeld: (Namn/vedgjekk å vera skuldig) Ole Andersen Dale [Ole Andersen
Dale] - 7 rdl. Men hadde for 3 dagar sidan betalt av på dette med 1 "Quie"
(kvige?) til 3 rdl. Niels Waxdal [Nils Vaksdal] vart kravd for 21 rdl. 8 sk.,
men møtte ikkje. På hans vegne kom Niels Stanghelle [Nils Stanghelle]
fram. Han sa at Tomas for 14 dagar sidan hadde fått av Nils Vaksdal i
"Quie" (kvige?) på fordringa. Men Nils Stanghelle visste ikkje verdien.
Unge Ole Waxdal [Ole Vaksdal d.y.] - 11 rdl. 2 mark. Niels Stanghelle [Nils
Stanghelle] - 4 rdl. 2 1/2 mark. Han hadde sent til Tomas 4 bukkeskinn i betaling.
2.11.1670
HAUSTTING PÅ [HOP TINGSTOVE] I [SKJOLD SKIPREIDE]. 1670: 33, 33b, 34 Fut
Peder Andersen [Peder Andersen]. Lagrettsmenn: Lensmann Peder Smøraas
[Peder Smørås], Fredrich Steen [Fredrik Stend], Steffen Ham/m/ersland
[Steffen Hammersland], Ole Eide [Ole Eide], Niels Dingeland [Nils Dyngeland],
Gieble Steen [Geble Stend], Simen Schiold [Simen Skjold], Ole Schage [Ole Skage],
Ole Lund [Ole Lund], Arne Totland [Arne Totland], Peder Hornes [Peder Hordnes],
Ole Heldal [Ole Heldal], Michel Bircheland [Mikkel Birkeland], Jens Hucheland
[Jens Haukeland], Erich Borge [Erik Borge], Mogens Sambdal [Mons Samdal], Lasse
Søraas [Lasse Sørås], Niels Schiold [Nils Skjold], Matis
Bratland [Matias Bratland], Niels Natland [Nils Natland], Niels Hope [Nils Hope].
Tingsaker: --1a: Kunngjort kongen sitt brev om "Princessin Styr" - om utstyr
og medgift i samband med ei kongsdotter sitt giftarmål. --1b: Futen la
fram for retten - og krov opplest - kopi av eit forsegla, skriftleg klagemål,
som lensmannen og 2 lagrettsmenn sist vår hadde gjeve til kanslar Johan
Fredrik Marskalk. Klagen galdt soldatane si utrustning m.m. Futen spurde no
lagretten og almuen om klagemålet framleis stod ved lag. Til det svara
dei ja. Etter felles krav vart så klagen innført i tingboka: (utdrag)
Almuen på 10 av tingstadene i Nordhordland futedøme gav til kjenne
eit felles klagemål. Dei nytta høvet på bakgrunn av kanslaren
si skriftlege befaling, om at futen skulle peika ut lensmannen saman med nokre
lagrettsmenn og legdsmenn i kvart skipreide. Desse skulle så reisa til
byen og framføra eventuelle klagemål frå almuen. Såleis
skreiv lensmann Peder Smøraas [Peder Smørås] og lagrettsmennene
Ole Sandal [Ole Sandal] og Ole Eide [Ole Eide] i klagemålet på vegne
av almuen i Skjold skipreide: For omkring 3 veker sidan kom det eit påbod
frå kapteinløytnant Poul Jensen [Paul Jensen] ved oberst von Cicignon
[von Cicignon] sitt kompani. Frå dette skipreidet skulle alle soldatane
som ikkje var sjuke eller heldt vakt elles, koma inn til Slottet, kvar med kost
for 14 dagar. For dette måtte kvart legd gje sin soldat 7 mark, jamvel
om ein del av soldatane berre budde 3/4 - 1 mil, og dei lengst vekke, 2 mil
(1 mil = 11,3 km) frå Slottet, og såleis kunne reisa inn på
1/2 dag. I desse 14 dagane dreiv ein del av soldatane med mønstring og
litt vakthald, samt bar møk ut på åkrane. Likevel vart nokre
av dei lova heimatt før tida var omme, på grunn av pengar. Utanom
dette var alle soldatane sist år inne på Slottet i 8 dagar, for
å mura steingjerde. For dette måtte legdet gje soldaten sin 4 slettemark.
Elles vart det klaga på at ein del av soldatane ikkje var like lenge på
vakt og i arbeid. Nokre kjøpte seg fri, slik at dei som var att, måtte
ta vakta og arbeidet. Soldatane hadde sagt til legdsmennene sine, at dei forøvrig
måtte stå vakt i 3 månader kvart år, men her kunne ein
koma fri mot 2 rdl. Og om legdsmannen ikkje straks betalte det som var bestemt,
så trua soldaten med å ta pengane med makt. Sjå forøvrig
utdrag av det opprinnelege dokumentet, og som er å finna under
HAUSTTINGet 12.10.1670 for Alenfit sk.r. --2: Lars Larsen [Lars Larsen] krov
opplese for retten følgjande panteskøyte: (utdrag) Pantsetjarar:
Lagmann og kommisær Hans Hansen [Hans Hansen], rådmann Peder Hansen
[Peder Hansen], og stiftsombudsmann Niels Hansen [Nils Hansen]. Panthavar: Lars
Larsen. Det pantsette godset: Flesland [Flesland] i Skjold sk.r., av skyld 1
løp smør og 1 tønne malt, Schage [Skage] i Skjold sk.r.,
av skyld 2 løp smør og 1 hud. I tillegg nokre gardar i SamAnger
[Samnanger] av Apostelgodset, på borgarmeister Peder Pedersen [Peder Pedersen],
og Carl Rosen Meyrs [Karl Rosenmeyer] av KiøbenHafn [København],
sine vegne. Ialt 700 rdl., som Nils Hansen på deiras vegne i diverse god
og gangbar mynt har stilt til rådvelde. Bergen, 28.8.1663. Utdrag av heile
dokumentet under
HAUSTTINGet 4.11.1670 for Sartor sk.r. --3: Niels Olsen [Nils Olsen] ved Nøstet
[Nøstet] stevna Hillebrant Stølen [Hillebrant Stølen],
fordi han sist sommar hadde teke nota hans utan lov, og dermed hindra han i
hans næring med fiskebruket. Nota vart også sundriven. Hillebrant
møtte, og sa at Nils hadde hatt 2 av Abel Munte [Abel Munte] (Hillebrant
si "Matmoeder") sine kyr i forpaktning. Desse dyra døydde medan dei var
hjå Nils. Etter påbod frå Abel Munte tok Hillebrant - saman
med ein mann han ikkje kjende, nota til Nils no sist sommar straks etter jonsokdag,
medan den låg på Dambsgaard [Damsgård] sitt område.
Hillebrant sa at han var Abel Munte sin rådsmann (gardsstyrar), og ikkje
hennas tenar. Han gav henne 14 rdl. årleg i forpaktning av plassen Støelen
[Stølen]. Vidare sa han at Abel let Nils få nota si att litt før
"St. Michels dag" no sist. Avgjerd: Hillebrant vart kjent skuldig på alle
punkt, og måtte bøta 1 mark sølv til kongen. Og 2 rdl. i
skadebot til Nils innan 14 dagar. --4: Lasse Mittun [Lasse Midtun] stevna Bendix
Raadsmand [Bendiks Rå] - rådsmann/gardsstyrar på Rå.
Bendiks hadde ei kvige som skulle tilhøyra Lasse. Han sende bod med Anne
Baardsdater [Anna Bårdsdotter] om å henta kviga på Rå,
så den ikkje skulle eta opp håa, slik "som den haffde giort met
haugen". Bendiks møtte, og sa at han hadde ei 14 års gamal jente,
som Anna hadde spurt om kviga. Jenta hadde då svara at det var ei framand
kvige blant deiras buskap. Bendiks hadde og sagt til Anna, at om så var,
så kunne den berre hentast før den åt opp håa, slik
som "den giort med Haugen". Men den kviga som dei no tretta om, den var hans,
påstod Bendiks. Og den hadde ikkje vore or marka hans i sommar. Stinne
Schage [Stine Skage]: Den omtvista kviga kom springande frå Mittun [Midtun]
og inn i Schage [Skage] si mark, kor den gjekk i 14 dagar. Sidan gjekk den i
Hoffuertun [Håvardstun] si mark i sommar. Elles visste ho ikkje anna enn
at den var Lasse si. Og at kona til Lasse sendte bod om å jaga kviga heim
att. Lasse Hoffuerstun [Lasse Håvardstun]: Han sa omlag det same, men
trudde kviga kom frå Håvardstunmarka og inn på Rå si
mark. Ville ha inn systrene Anne [Anna Bårdsdotter] og Zidtzele [Sissel
Bårdsdotter], samt Anne Olsdater [Anna Olsdotter] som vitne på at
kviga tilhøyrde Lasse. Oluf Andersen Raadsmand [Ole Andersen Rå]
- gardsstyrar på Rå: Det var Bendiks si kvige, og den hadde gått
i marka på Rå i sommar. Han såg den blant det andre feet til
Bendiks rundt påsketider i vår - på den tid Ole kom på
bruket sitt. Bendiks gav den fór saman med dei andre dyra på Rå.
Agatte Gutormsdater [Agate Guttormsdotter]: Visste ikkje kven si kvige det var,
endå ho hadde vore i teneste hjå Bendiks i 3 år. Ho slutta
der sist vår. Bendiks ville no ha kona til Ole Andersen som vitne, og
dermed vart saka utsett til neste ting. 4.11.1670
HAUSTTING PÅ [SKOGE TINGSTOVE] I [SARTOR SKIPREIDE]. 1670: 34, 34b, 35,
35b, 36, 36b, 37, 37b, 38, 38b, 39 Fut Peder Andersen [Peder Andersen]. Lagrettsmenn:
Mogens Willem Worland [Mons Vilhelm Vorland], Ole Hambre [Ole Hamre], Hans Kousland
[Hans Kausland], Lars ibm: [Lars Kausland], Anders Kobeltued [Anders Kobbeltveit],
Anders Arefiord [Anders Arefjord], Vincentz Selle [Vinsents Sæle], Michel
Windenes [Mikkel Vindenes], Ole Echerhoffde [Ole Ekrhovda], Peder ibm: [Peder
Ekrhovda], Erich Knapschouff [Erik Knappskog], Ole Fielde [Ole Fjell], Anders
Bildøen [Anders Bildøy], Ole Colbensen Echerhoffde [Ole Kolbeinsen
Ekrhovda], Tomas Børnes [Tomas Børnes], Ole Waage [Ole Våge].
Tingsaker: --1a: Kunngjort kongen sitt brev om "Princessin Styr" - om utstyr
og medgift i samband med ei kongsdotter sitt giftarmål. --1b: Futen la
fram for retten - og krov opplest - kopi av eit forsegla, skriftleg klagemål,
som nokre lagrettsmenn frå dette skipreidet sist vår hadde gjeve
til kanslar Johan Fredrik Marskalk. Klagen galdt soldatane si utrustning m.m.
Futen spurde no lagretten og almuen om klagemålet framleis stod ved lag.
Til det svara dei ja. Etter felles krav vart så klagen innført
i tingboka: (utdrag) Almuen gav til kjenne eit felles klagemål vedkomande
soldathaldet. Dei nytta høvet på bakgrunn av kanslaren si skriftlege
befaling, at futen skulle peika ut lensmannen saman med nokre lagrettsmenn og
legdsmenn i kvart skipreide. Desse skulle så reisa til byen og framføra
evntuelle klagemål frå almuen. Såleis skreiv lensmann Ole
Bielcherøen [Ole Bjelkarøy], saman med Anders Bildøen [Anders
Bildøy], Michel Snecheuig [Mikkel Snekkevik], Ole SørEcherhoffde
[Ole Søre Ekrhovda], Niels Hummelsund [Nils Hommelsund], Anders Arefiord
[Ander Arefjord], Willem Børnes [Vilhelm Børnes], Hans Kousland
[Hans Kausland] og Ole NordEcherhoffde [Ole Nore Ekrhovda] i klagemålet
på vegne av almuen i Sartor skipreide: For omkring 4 veker sidan kom det
eit påbod frå kapteinløytnant Poul Jensen [Paul Jensen].
Alle soldatane frå dette skipreidet skulle koma inn på Slottet,
kvar med kost for 14 dagar. For dette måtte kvart legd gje (til sin soldat)
7 mark i pengar, jamvel om dei fleste av soldatane vart lova heimatt før
dei 14 dagane var til endes. Og endåtil kunne dei lengst vekk buande reisa
inn til Slottet på 1 - og somme på 1/2 dag når veret var godt.
Ein del av soldatane kunne fortelja til legdsmennene sine, at i den tida dei
var inne, så bar nokre møk om dagen. Somme stunder stod dei vakt,
og om sundagen dreiv dei med mønstring. Utanom dette var alle soldatane
sist år inne på Slottet i 8 dagar, for å mura steingjerde.
For dette måtte legdet då gje soldaten sin 4 slettemark. Kvar soldat
måtte stå vakt 3 månader om året. Dei som ville sleppa
vakttenesta, kunne kjøpa seg fri for 9 mark. Til vedlikehald av geværet
måtte kvart legd gje mellom 3 og 7 mark - alt ettersom. Sjå forøvrig
utdrag av det opprinnelege dokumentet, og som er å finna under
HAUSTTINGet 12.10.1670 for Alenfit sk.r. --2: Niels Lochøen [Nils Lokøy]
og Hans Algrøen [Hans Algrøy] stevna Ole [Ole Tellnes] og Iffr
Telnes [Iver Tellnes]. Saman med Mogens [Mons Hagenes] og Anders Hagenes [Anders
Hagenes] hadde desse hindra Nils og Hans i deiras rett til kvalfangst i Skoge
[Skoge] kvalvåg. Dei innstevna møtte, og forklarte at dei arbeidde
med ein kval dei hadde fanga. Saksøkjarane budde langt vekke, og kom
dei ikkje til hjelp før kvalen var død, og klar til å delast
mellom dei som hadde vore med på kvalen. Avgjerd: Sidan saksøkjarane
saman med andre "af Arilds tid" har vore med i fangsten av kval der i vågen,
då skulle ikkje bøndene hindra kvarandre i dette. Men når
jorddrotten som eig kvalvågen, seier noko anna, vert hans rett å
følgja. I tingboka er no innført ein del brev i ordrett attgjeving
frå kongen m.fl. Dette var brev som på kvar tingstad vart opplese
for lagrett og almue. Breva vert kort nemnde her som følgjer: --A: Kong
Christian 5 sitt brev av 20.7.1670 om "Princessin Styr". Brevet galdt innkrevjing
av pengar til utstyr og medgift for prinsesse Wilhelminna Ernæstina [Wilhelmina
Ernestina] sitt giftarmål med Carl Luduig [Carl Ludvig] - pfalsgreve ved
Rhin og hertug av Bayern. Kongen sitt forrige "Princessin Styr"-brev var frå
1.7.1664. --B: Kong Christian 5 sitt brev av 17.8.1670 om diverse skatte- og
administrasjonssaker. --C: Kong Christian 5 sitt brev av 12.8.1670, der amtmennene
i Noreg vart bedne om å la futane laga så rette som mogeleg jordebøk
over såvel kongen som andre sitt jordegods. Samt ein like så rett
matrikkel. Dette skulle då brukast ved utskriving av skattane. Fristen
for arbeidet vart sett til 3 månader etter kunngjeringa i kvart futedøme.
--D: Kong Christian 5 sitt brev av 12.8.1670 om kyrkjene sin tilstand og deiras
rett til heile tienden. --E: Kong Christian 5 sitt brev av 12.8.1670 om overdraging
av Kongsberg Sølvverk [Kongsberg Sølvverk] til "participanter".
--F: Admiral Cort Adeler sitt brev av 27.8.1670 om bortpakting av tjørebrenningstienden
og tømmertienden for 3 år - rekna frå 1.1.1670. Brevet galdt
innbyding til interesserte å senda inn tilbod på dette. --G: Johan
Fredrik Marskalk sitt brev av 6.9.1670 om 4 av dei ovannemnde kongelege forordningane,
som Marskalk hadde motteke frå visestatthaldar Ove Juel. Pkt. B: Om opphevinga
av 2 skattar. Dei som hadde betalt for mykje på desse, skulle få
det godskrive på annan skatt. Pkt. C: Om jordebøkene og den nye
matrikkelen. Pkt. D: Om kyrkjetienden som frå no måtte overlatast
til kyrkjevergjene. Tidlegare hadde overskotet på tienden vorte gjeve
til andre, som ikkje hadde noko med kyrkjene å gjera. Dermed fekk ikkje
kyrkjene midlar til naudsynt vedlikehald. Pkt. E: Om forpaktinga av Kongsberg
Sølvverk. --H: Johan Fredrik Marskalk sitt brev av 7.9.1670 til futen
over Nordhordland, Peder Andersen, om naudsynt vøla av futenaustet, etter
at dette var konstatert til nedfalls. --I: Johan Fredrik Marskalk sitt brev
av 8.8.1670 til ein del av futane i Bergenhus len. Marskalk hadde fått
eit brev datert 11.6.1670 om saka frå visestatthaldar Ove Juel, og som
han no bragte vidare. Generalveimester Jens Hauritz hadde sendt klage til Juel
på manglande innbetaling frå nokre av futane på ein del av
løna si. Dei futane det galdt, fekk ordre om straks å samla inn
den ubetalte løna, rekna frå 1667. --J: Kongen sitt panteskøyte
av 25.7.1661, der Hans Hansen [Hans Hansen] - lagmann i Bergen og for Gulatinget,
Peder Hansen [Peder Hansen] - rådmann i Bergen og amtskrivar på
Bergenhus, samt Niels Hansen [Nils Hansen] - stiftombodsmann for Bergenhus len,
gjorde kjent at kongen hadde pantsett og avhendt til Peder Pedersen [Peder Pedersen]
- borgarmeister i København, og Carl Rosenmeyer [Carl Rosenmeyer] - borgar
og handelsmann same plass, samt deiras ektefeller og arvingar, "for en Anseenlig
Summa Penger", Bergen Domkyrkjeprosti - også kalla Apostelgods len - sitt
jordegods. Fullmakt av 5.8.1661 frå Peder Pedersen og Carl Rosenmeyer
til dei 3 ovannemnde som kunngjorde dokumentet. Dei fekk herved løyve
til å pantsetja og avhenda jordegodset vidare til andre. Såleis
vart panteskøytet transportert og overført til Lars Lauridtzen/Larsen
[Lars Larsen] i Bergen, samt kona og borna hans. Jordegodset omhandla i dokumentet
var som følgjer: Flesland [Flesland] - av skyld 1 løp smør
og 1 tønne malt. Schage [Skage] - av skyld 2 løp smør og
1 hud. Desse gardane låg i Skjold skipreide. Quernes [Kvernnes] - av skyld
1 løp smør. Trengereid [Trengereid] - av skyld 1 løp smør.
Dywigen [Djuvik] - av skyld 1 pund smør. Desse låg i Sambanger
[Samnanger] i Sunnhordland. Lars Larsen hadde for dette "tilstillet Niels Hansen
paa deris wegne" 700 rdl. i atskilleg gangbar mynt. Bergen, 28.8.1663. 4.12.1670
KOM RETTEN SAMAN PÅ [HOP] I [SKJOLD SKIPREIDE]. 1670: 39, 39b, 40 Fut
Peder Andersen [Peder Andersen]. Lagrettsmenn: Simen Schiold [Simen Skjold],
Lasse Noraas [Lasse Nordås], Ole Hop [Ole Hop], Ole Totland [Ole Totland],
Niels Dingeland [Nils Dyngeland], Lasse Søraas [Lasse Sørås],
Lasse Smøraas [Lasse Smørås], Ole Heldal [Ole Heldal], Arne
Totland [Arne Totland], Niels Schiold [Nils Skjold], Niels Natland [Nils Natland],
lensmann Peder Smørås [Peder Smørås], Vincentz Nøtuett
[Vinsents Nøttveit]. Tingsak: Christian Biering [Kristian Bjering] let
stevna Hans Johansen Øster Kongshaffn [Hans Johannesen Austre Kongshavn]
og Johans Ramsuig [Johannes Ramsvik], fordi dei skal ha trua med å brenna
ned husa hans i Rambsuig [Ramsvik]. Dei 2 innstevna møtte. Som vitne
var innkalla Hillebrant Støelen [Hillebrant Stølen]. Han sa at
for ei tid sidan var han i Ramsvik på oppdrag for Kristian, for å
riva eit gamalt hus der. Då høyrde han Niels Johansen [Nils Johannesen]
seia, at om han ikkje fekk betaling for sin andel i det gamle huset som Kristian
ville riva, då skulle han setje fyr på sin part. Troels Laursen
[Troels Larsen], som og var med på rivingsoppdraget, høyrde at
Nils spurde Kristian kvifor han let riva huset, som far hans (far til Nils?)
i si tid hadde sett opp, og korav eine halvparten tilkom Nils og den andre halvedelen
bror hans (til Nils). Troels høyrde og Nils koma med trugsmålet
om å brenna huset, dersom Nils ikkje fekk betaling for det. Ole Toersen
[Ole Torsen] vitna dette: Han var på same tid i Ramsvik for å tekkja
(leggja never på tak) eit hus for Kristian. Då høyrde han
at kona til Hans Kongshavn klaga seg til Kristian om for lita betaling for huset
som skulle rivast. Kristian svara at om dei hadde noko å innvenda, då
fekk dei gå retten sin veg. Hans, som stod saman med dei, skaut inn at
om det verkeleg var slik at han ikkje fekk meir for huset, då skulle han
brenna det opp slik som det stod. Kristian ville då vita om Hans med dette
meinte Kristian sitt eige hus. Då slo Hans ut med hand og så: "Ja
Haarde død, Jeg schal affbrende saa megit som der staar." Rasmus Olsen
[Rasmus Olsen], som var ilag med Ole Torsen på taktekkjinga i Ramsvik,
vitna det same som Ole. Kristian la no fram for retten bygselseddelen sin på
Ramsvik. Etter forhandling og mekling mellom partane og retten, let Kristian
no saka falla. Kristian inngjekk forlik med "Hans og Nils Johannesøner"
(mest truleg brør), og han skulle heretter uhindra få sitja på
og behalda (husmanns-)plassen Ramsvik.
- o - o - o - o - o -
Tillegg til tingbok nr. 11. Sak reist av Kongen vedkomande ledingen (skatten i naturalia) av Bergenhus amt/len, og som Herman van Høwen etter kontrakt for 1 år om gongen hadde kjøpt av ein del av futane i Bergenhus amt/len - blant anna futen Peder Pedersen på Sunnmøre. 13.8.1673 PÅ [BERGEN RÅDSTUE]. 1673: 40b, 41, 41b, 42, 42b, 43, 43b, 44 Etter ordre frå kongens kanslar Johan Friderich Marschalch til Hutlow [Johan Fredrik Marskalk til Hutlow] i lagmannen sin stad, kom retten saman for å døma i følgjande sak om ein veksel. Saksøkjar var Hendrich Karekdorff [Henrik Karekdorff] - "reciderende Kiøbmand i Dramshus her ved Bergen Cantor" (Bergen Cantor = Det Hanseatiske kontor i Bergen), med sin prokurator Reinholt Rasmussen [Reinholt Rasmussen]. (Stevninga datert 28.7.1673) Dei saksøkte var: Lisbeth [Lisbet] - enkja etter Thomas Gilbertzen [Tomas Gilbertsen] (Han levde 9.9.1671) - med sin fullmektig, prokurator Strange Mule [Strange Mule]. Joen Crommetj/Jon Crommetie [Jon Crommetie] - gift med Lisbeth [Lisbet], syster og arving til Tomas. Assistentråd/lagmann Jens Tolder/Toller [Jens Toller]. Magistraten - her møtte rådmann Hans Munthe [Hans Munthe]. Og byfogd Laurits Søffrensen [Lars Sørensen], som tidlegare hadde dømt i saka. Det heile galdt ein prosess, som Tomas tidlegare hadde ført mot Henrik om ein veksel på 213 rdl. 7 sk. Denne vekselen var utstedt til assistentråd/amtskrivar/lagmann Jens Toller den 7.2.1667 av Herman Van Høwen [Herman van Høwen], på vegne av Diderich Graffuensted [Diderich Graffuensted], Jesper Hartz [Jesper Hartz], og Peter Lackman [Peter Lackman] - alle 3 frå Lybech [Lybeck] i Tyskland. van Høwen var "førige residerende Kiøbmand paa Cantoret". Vekselen var oppgjer for varer i naturalia, og som futen Peder Pedersen [Peder Pedersen] på Sunnmøre (fut der til 1668) hadde fått inn i skatt (leding) for året 1666 frå bøndene. At vekselen var skrive ut til embetsmannen Jens Toller - og ikkje til Peder Pedersen sjølv, kom seg av at desse vekslane på futane sine vegne alltid måtte klarerast i København før avrekning til kvar fut vart gjort. Og nett her i futen Peder si seinare avrekning med Jens Toller var det at usemja om vekselen på den avkjøpte ledingen for 1666 oppstod. Peder påstod vekselen ikkje var betalt, og van Høwen sa den var det. Saka hadde vore oppe i retten nokre gonger. Byfogd Lars Sørensen på Peder Pedersen sine vegne stevna van Høwen inn for Magistraten den 28.1.1669. Først 17.3.1670 vart det føreteke domsavgjerd hjå Magistraten. Her vart van Høwen pålagt innan 6 veker å prova at vekselen var betalt - i motsett fall betala den. Så la Hendrich Wæssel [Henrik Wessel] på Peder Pedersen sine vegne inn stevning for byfogd Lars Sørensen den 20.7.1670. van Høwen vart denne gong dømt til å betala. Og kunne han ikkje gje full dekning, vart kravet å stila til hans medkausjonistar, Henrik Karekdorff og ein Jacob Koelhoff [Jakop Koelhoff]. Wessel gjorde ikkje noko meir med saka, men overdrog den til Tomas Gilbertsen. Straks etter byfogden sin dom (20.7.1670) søkte Tomas utlegg for vekselkravet "udj Karekdorffs Herschabs Stue". Den 9.9.1671 vart så saka stevna inn for overdommaren, assistentråd og lagmann Jens Toller, ved Lagmannsretten. Her presenterte og prosederte Tomas Gilbertsen saka sjølv, men utan å ha fullmakt til dette (frå Peder Pedersen?). No vart van Høwen og hans medkausjonistar dømt til å betala innan 14 dagar. Neste stopp var i den kongelege Overhoffrett, som mottok stevninga i 1672. Dom utstedt på Akershus 8.2.1672. Overhoffretten oppheva Lagretten sin dom. Og til endeleg avgjerd vart saka så teke opp på Bergen Rådstue den 13.8.1673. Sambandet mellom Peder Pedersen og Tomas Gilbertsen hadde også sin bakgrunn i økonomiske tilhøve. Blant dokumenta i saka vart det lagt fram ein obligasjon datert 28.3.1670. Den var utstedt til Tomas av Peder, for å halda Tomas skadeslaus i samband med ein kausjon på 300 rdl., og som Tomas hadde gjeve for Peder til rådmann Peder Hansen [Peder Hansen]. Tomas med følgje meinte såleis at denne obligasjonen var fullmakt nok til å reisa sak mot Karekdorff på Peder Pedersen sine vegne. ("Och formeendte same obligation Vahr fuldmagt Noch till at søge Peder Pedersens Ret eftter i denne Sag.") (Sjå Lagretten 9.9.1671). I tillegg vart det lagt fram ein annan obligasjon utstedt av Peder. Denne lydde på 100 rdl., som Tomas hadde betalt på Peder sine vegne. Det var også vist til Oldermennene og "Acteinernis" (medlemer av hanseatane i Bergen sitt 18-mannsråd) sin kausjon til Tomas (for rett levering av varene?) "Imoed goetses Leffuering till Karekdorff". Denne er datert 12.6.1672 under det "Canthorische Indseigell", og truleg utstedt på bakgrunn av dommen i Overhoffretten. ("eftter Oberhoffrettens doms Indhold") Andre namn nemnt i denne saka: Jørgen Pos [Jørgen Poss]. Albert/Albregt Heintz [Albert Heintz]. Hans Thomasen Rus [Hans Tomasen Ruus] (byskrivar i Bergen til 1669). Retten si avgjerd: Henrik Karekdorff vart fullstendig frikjent. Han vart og tilkjent ei skadebot på 130 rdl. frå avdøde Tomas Gilbertsen sitt "Samfellids boe". Retten kom såleis til at den omtalte veksel nok var betalt og gjort opp. Eit utdrag av "Kompaniet" i Lybeck si hovedbok ("Extract aff Van Høwens och Med Interessenters Herschabers Hoffuitbog udj Lybech") - stadfesta av den keisarlege notar - viste at van Høwen den 27.2.1667 hadde trekt på dei til Hans Hoepen/Hoepe [Hans Hoepen] (van Høwen og kompaniet i Lybeck sin faktor i København) 891 rdl. 39 sk., for å betala for "Ledingen". Tidlegare var det også trekt til Hans Hoepen 450 rdl. Motverdien til desse summane utgjorde 4 vekslar, deriblant den på 213 rdl. 7 sk.